Hai agora 30 anos, en marzo de 1989, un enxeñeiro chamado Tim Berners-Lee cambiou a historia nun despacho do Consello Europeo para a Investación Nuclear (CERN), entre Francia e Suíza. Desenvolveu unha proposta, xunto ao seu compañeiro Robert Cailliau, e elaborou un documento titulado “Information Management: A Proposal”. Aquel documento, que tiña por obxectivo facilitar que se compartiran as investigacións entre os científicos do CERN, fixo posible un dos maiores avances que coñeceu a humanidade: a rede informática mundial, ou world wide web.
Co gallo do 30º aniversario daquel fito, os responsables do organismo decidiron render homenaxe á idea cunha ‘reconstrución’ do primeiro navegador da historia. Un grupo de programadores e deseñadores reuníronse no CERN para facer posible novo aquel navegador orixinal dentro dun navegador de 2019, de xeito que os usuarios poden explorar as orixes da tecnoloxía que cambiou o mundo.
#Web30
Developers revive first Web browser at week-long #hackathon.💻 https://t.co/wbNDSJzQDI #CERNandSociety #MyWeb30 pic.twitter.com/MfDLrExHl4
— CERN (@CERN) 18 de febrero de 2019
Podes probalo, e consultar toda a información, no portal CERN 2019 WorldWideWeb Rebuild.
