Amplían a Muros e Carnota a busca da Marumasat 3

A Marumasat 3 segue desaparecida. Despois de que os membros da Axencia Espacial Galega, a NOSA, perdesen o contacto coa sonda o pasado luns, cando foi lanzada desde o IES Maruxa Mallo de Ordes, aínda non hai noticias do paradoiro da cápsula. Porén, as últimas estimacións realizadas provocaron que a zona de busca, que en principio estaba limitada ao concello de Outes, se ampliase.

“As pescudas realizadas durante estes días sobre o voo da Marumasat 3 lévanos a ampliar a zona de busca ata Muros e Carnota. Non descartamos que a aterraxe fose sobre o mar e que aboiando na auga chegue a unha praia da zona”, sinalaban este sábado a través das redes sociais os responsables da NOSA.

Publicidade

As complicacións na misión da Marumasat 3 comezaron o luns, minutos despois do lanzamento, a 13.700 metros de altura, cando ” radiosonda deixou de transmitir de forma abrupta”, segundo contaba a GCiencia Xosé Díaz, profesor de Matemáticas do IES Marco Camballón”

“Posiblemente caeu nunha zona complicada, porque perdemos a sinal e o GPS tampouco dá cobertura”, engadía Díaz. Naquel momento xa se contemplaba a posibilidade de que caera no mar, unhaopción que foi collendo forza a medida que avanzaban as pescudas. Unha caravana de rescate percorreu varios puntos do concello de Outes para intentar localizar a sonda, pero tiveron que suspender a busca ante a ausencia de resultados.

Publicidade

Ante esta situación, a NOSA está facendo un chamamento a través das redes sociais, pedindo a colaboración cidadá para poder recuperar a Marumasat 3.

Contacto:

IES Maruxa Mallo: 881 88 08 69.

IES Marco Camballón: 886 15 17 31.

IES Miraflores: 981 63 16 15

Correo electrónico: nosaaxenciaespacialgalega@gmail.com

Twitter: @marumasat

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Cantos tipos de nubes hai? O manual da UVigo interpretar a meteoroloxía

A través de preguntas curtas, o libro serve para explicar conceptos clave de forma breve, clara e rigorosa ao alumnado

Intelixencia artificial para detectar TDAH nas aulas e outros proxectos de Galiciencia 2024

A feira científica reúne un centenar de traballos de alumnado de Secundaria, Bacharelato, FP e Primaria de toda a comunidade

PÓDCAST | A intelixencia artificial, o gran desafío do eido educativo

O investigador da UDC Francisco Bellas analiza no sexto episodio de O Descodificador o impacto do cambio tecnolóxico na educación

O proxecto MEDRA fomenta a investigación en física de partículas entre o alumnado de bacharelato

O IGFAE acolleu a presentación dos traballos realizados por decenas de estudantes na súa primeira experiencia investigadora