Despois de anos de reprendernos por non expulsar de xeito seguro as unidades USB das computadoras, Microsoft fixo o impensable: finalmente, recoñece que está ben sacar os dispositivos directamente e gañar tempo para vivir a vida.
Dende que apareceron as unidades USB, o fabricante de Windows advertiu e amoestou aos usuarios de computadoras por non retirar con seguridade o hardware externo, empregando unha pestana chamada “expulsar o dispositivo“.
En versións anteriores de Windows, e mesmo en Windows 10, o feito de non expulsar os dispositivos USB (e outros dispositivos externos, como as tarxetas flash) antes de sacalos conlevaba o risco de problemas cos arquivos importantes, de corromper contidos ou de perder información.
Afortunadamente, unha nova actualización de Windows 10 elimina este minucioso procedemento, un obstáculo común que co tempo se converteu no alimento de innumerables memes.
A actualización implementouse a fins do ano pasado, pero só agora está a recibir unha maior atención grazas aos novos documentos de soporte de Microsoft, que explican que, a partir de Windows 10 versión 1809, agora se pode sacar ese USB directamente, sen pasos previos.
Na actualización da nova versión 1809, “Eliminación rápida” é o novo valor predeterminado para todos os formatos de USB, co que se mantén o dispositivo listo para ser eliminado en calquera momento. Nas redes sociais especializadas xa circulan bromas sobre que facer con todo o tempo libre que, dende agora, imos gozar ao poder retirar hardware sen pasos previos.
