Investigadores da Coruña crean un mapa para seguir día a día a epidemia

O equipo está traballando para incluír modelos preditivos que permitan utilizar a plataforma como punto de unión de múltiples investigacións

O investigador do CiTIC da Universidade da Coruña Carlos Fernández Lozano puxo en marcha unha páxina web que permite seguir día a día a evolución da doenza Covid-19 en España. Segundo explican desde o CITIC idea xurdiu a partir do traballo realizado polo investigador Rubén Fernández Casal, que comezou a compilar os datos do Ministerio de Sanidad relativos aos contaxios polo coronavirus SARS-CoV-2. A iniciativa conta co respaldo do comité de expertos da “Acción Matemática contra o Coronavirus” do Comité Español de Matemáticas (CEMat), a través do seu presidente Ricardo Cao, tamén investigador do CITIC, que ten o obxectivo de axudar ao Goberno a atopar solucións ante a crise sanitaria.

O investigador do CiTIC da Universidade da Coruña Carlos Fernández Lozano. Foto: CITIC.
O investigador do CiTIC da Universidade da Coruña Carlos Fernández Lozano. Foto: CITIC.

A páxina web permite consultar un mapa cos datos relativos ao número de casos confirmados por comunidades autónomas nas últimas semanas, así como os pacientes recuperados e os falecementos. O investigador das áreas de Intelixencia Artificial e de Ciencia e Enxeñaría de Datos do CITIC e profesor da Facultade de Informática da UDC, Carlos Fernández Lozano, apunta que a idea é “introducir máis datos relacionados con ingresos en UCI, incidencia, número de hospitalizacións, etc., e incluír modelos preditivos para utilizar a plataforma como punto de unión de múltiples investigacións”. Deste xeito, o site permitirá aportar máis claridade sobre a evolución da pandemia en España.

Publicidade

Así, o investigador do CITIC Rubén Fernández Casal encárgase da descarga de datos e procesado desde orixe, mentres que Carlos Fernández Lozano creou a ferramenta a partir do procesamento destes datos. Tamén están traballando para mellorar o rendemento e a capacidade de carga do sistema.

Evolución de casos nas CCAA con poboación semellante a Galicia.
Evolución de casos nas CCAA con poboación semellante a Galicia.

Segundo explican os investigadores da UDC, o obxectivo foi desenvolver un sistema de visualización da información a través de ferramentas como Shiny e R. Todos os datos e as ferramentas son abertos e están a disposición de quen desexe usalos no propio portal.

Todos os detalles, no web do CiTIC dedicado ao seguimento da Covid-19.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un equipo da Coruña crea robots autónomos que aprenden e se adaptan ás necesidades humanas

Os resultados do proxecto europeo, que se coordina dende o CITIC, presentáronse na xornada 'AI, Data and Robotics Forum'

Pódcast | Intelixencia artificial contra os discursos de odio

Os investigadores do CITIC Paloma Piot e David Otero participan no novo episodio de O Descodificador

Pódcast | O Shazam da música tradicional galega

A investigadora do CITIC Hilda Romero Velo mestura partituras, computación e bioloxía na súa tese para avanzar na investigación etnográfica musical

Da cosmoloxía moderna á física solar: os congresos que marcarán a semana da eclipse na Coruña

A cidade reunirá durante catro días a investigadores de referencia internacional para abordar as grandes incógnitas do universo e os últimos avances da estrela