O catedrático Alberto Bugarin (esquerda) recolle o premio en Praga. Fonte: CiTIUS.
O catedrático Alberto Bugarin (esquerda) recolle o premio en Praga. Fonte: CiTIUS.

Premio internacional de intelixencia artificial para científicos galegos

Un traballo asinado por Alberto Bugarín, Alejandro Ramos e Senén Barro foi recoñecido pola Asociación Internacional para os Sistemas Difusos

A Asociación Internacional para os Sistemas Difusos (IFSA, polas súas siglas en inglés) vén de conceder un dos tres premios internacionais IFSA Journal Best Paper Award a un traballo desenvolvido integramente no CiTIUS (Centro Singular de Investigación en Tecnoloxías Intelixentes da USC), no que os científicos do centro compostelán abordan o papel das descricións lingüísticas de datos na construción de sistemas de xeración de linguaxe natural.

Segundo o investigador Alberto Bugarín, que a pasada semana recollía o premio internacional en Praga, “nesta liña de traballo integramos dúas áreas científicas que, ata hai moi pouco, eran practicamente unhas completas descoñecidas entre si: a comunidade de Intelixencia Computacional e a de Xeración de Linguaxe Natural“.

Precisamente dentro desta última atópase a disciplina Datos a texto (‘Data to text’ ou ‘D2T’), na que os científicos do CiTIUS levan tempo traballando; entre os seus exemplos de aplicación figura a ferramenta GaliWeather: un sistema de ‘tradución automática’ de modelos numéricos a texto que desde hai anos está integrado na páxina web de Meteogalicia, o servizo público de información meteorolóxica da comunidade galega.

Galiweather: adeus ao home do tempo

Os responsables da IFSA (unha federación de asociacións formada por 16 sociedades científicas mundiais do ámbito da intelixencia computacional) concederon o premio en recoñecemento ao desenvolvemento deste traballo para facilitar a interacción entre investigadores en Xeración de Linguaxe Natural e Intelixencia Computacional, moi especialmente no eido da Lóxica Borrosa en sistemas de conversión de datos a texto.

O tema foi tamén obxecto principal de estudo na tese do primeiro autor do artigo, Alejandro Ramos, que recibiu tamén numerosos premios nos últimos anos; entre outros, o Best PhD Award a nivel europeo e o Premio Nacional de Investigación SCIE – Fundación BBVA.

Referencias: On the role of linguistic descriptions of data in the building of natural language generation systems (Publicado en Fuzzy Sets and Systems, Volume 285, 2016).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.