Venres 29 Marzo 2024

Galicia inaugura ‘Finisterrae III’, un novo supercomputador para predicir o tempo e analizar o xenoma

O equipo incorpora un simulador de computación cuántica de 30qbits que é o primeiro da súa clase en España

O Finisterrae III é o novo supercomputador do Centro de Supercomputación de Galicia (Cesga), que servirá para realizar predicións do tempo meteorolóxico, avaliacións xenómicas e para analizar e controlar a evolución epidemiolóxica do SARS-CoV-2. O novo supercomputador foi inaugurado este mércores na sede do Cesga, malia que xa se puxo en marcha hai uns meses. O seu principal obxectivo é prestar servizos á comunidade científica e de innovación en Galicia e a outros grupos de investigación de España.

Máis polo miúdo, Finisterrae III permite resolver 4.360 billóns de operacións matemáticas por segundo, o que supón multiplicar por unha ducia a capacidade de cómputo do anterior supercomputador Finisterrae II. Isto será, por tanto, clave para acurtar de modo significativo os tempos na obtención de resultados, abordar problemas máis complexos que hoxe se presentan en I+D+i e que fan uso de inxentes volumes de datos. Ademais, o supercomputador incorpora un simulador de computación cuántica de 30 qbits que é o primeiro da súa clase en España.

Publicidade

A adquisición do equipo supuxo un investimento de sete millóns de euros

Entre os beneficiarios do novo aparello figuran os seguintes usuarios do Cesga: Meteogalicia, que realiza a diario a predición do tempo para Galicia; a Fundación Pública Galega de Medicina Xenómica, que produce investigacións e prové servizos clínicos en base a análises xenómicas para o Sergas; e grupos de investigación das universidades que teñen como liñas de investigación, por exemplo, o descubrimento temperán de fármacos ou a análise e control xenómicos da epidemia por SARS-CoV-2 en Galicia.

A adquisición deste equipo supuxo un investimento de sete millóns de euros que foi posible grazas ao cofinanciamento achegado polas institucións representadas no padroado da Fundación Cesga, a Xunta de Galicia e o CSIC, así como ao Fondo Europeo de Desenvolvemento Rexional (Feder).

Equipos anteriores

O primeiro supercomputador do Cesga chegou cando internet aínda se abría camiño no mundo. Calquera móbil actual ten maior capacidade de cálculo que a primeira máquina, o Finisterrae I, que se situou entre as 150 estruturas de maior potencia do mundo. E, durante uns meses, chegou a ser a máis potente de España, logo superada polo Mare Nostrum instalado en Cataluña. Tras diversas actualizacións, no ano 2015 chegou o Finisterrae II, moito máis potente. E sete anos máis tarde, en 2022, o Cesga dá un novo paso co Finisterrae III, que multiplicará por doce a capacidade de supercomputación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha DANA trae aire africano a Galicia e dificulta a predición para Semana Santa

Esta fin de semana agárdase tempo seco na comunidade pero a partir do luns aumentan as probabilidades de chuvia

A primavera arrinca cun potente anticiclón que disparará os termómetros ata os 27 graos

Este luns entra aire frío en altura e pola tarde choverá con carácter tormentoso no interior da comunidade

Francisco Infante, delegado da Aemet: “En Galicia está cambiando o patrón de precipitacións”

O experto apunta que a comunidade suma meses máis cálidos do normal e que non será unha excepción á subida do nivel do mar

Unha profunda borrasca atlántica azouta Galicia esta fin de semana con chuvia, vento e neve

O centro de baixas presións situado sobre Irlanda enviará unha fronte fría na madrugada do sábado