Identificadas redes neurona-astrocito que axudan e entender a depresión e as adiccións

Investigadores do CSIC demostraron que son clave para entender o funcionamento dunha rexión do cerebro relacionada cos estados de ánimo

Redes astrocito-neurona no núcleo accumbens. Crédito: Marta Navarrete / CSIC
Redes astrocito-neurona no núcleo accumbens. Crédito: Marta Navarrete / CSIC

Investigadores do CSIC veñen de demostrar que os astrocitos, as células non neuronais máis numerosas do cerebro, son clave nos sistemas de recompensa. O traballo, publicado en Nature Communications, sinala a importancia de estudar as redes neurona-astrocito no núcleo accumbens, rexión do cerebro que desencadea as condutas orientadas á recompensa, como dianas terapéuticas en patoloxías como a adicción ou a depresión, relacionadas cos cambios nos circuítos de recompensa do cerebro.

“A pesar de que o núcleo accumbens está composto tanto de neuronas como de astrocitos, ata o de agora asumiuse que as neuronas eran as únicas responsables das súas funcións”, expón Marta Navarrete, investigadora do CSIC no Instituto Cajal. “Descubrimos que os astrocitos do núcleo accumbens responden de maneira diferencial a sinais provenientes de distintas rexións involucradas en tarefas como a memoria e a aprendizaxe (hipocampo), nas emocións (amígdala), ou na toma de decisións (cortiza prefrontal) e que, ademais, organízanse en redes específicas”, explica a investigadora. O traballo demostra que os astrocitos son capaces de integrar sinais de información de maneira non lineal, o que revela a rede neurona-astrocito como clave nas propiedades de integración do núcleo accubens.

A investigadora sinala que os resultados poñen de manifesto a necesidade de estudar mapas funcionais e non só neuronais, pois demostraron que os astrocitos desempeñan un papel activo na función sináptica e no procesamento de información neuronal mediante o intercambio de sinais coas neuronas. “Se avanzamos no estudo das funcionalidades de accumbens, non só entenderemos mellor enfermidades relacionadas co estado de ánimo, senón que poderemos atopar dianas terapéuticas eficaces”, sinala Navarrete.

Un método para mapear redes neurona-astrocito

Os investigadores implementaron unha nova ferramenta de estudo (CaMPARIGFAP) que lles permitiu analizar por primeira vez circuítos neurona-astrocito específicos. “Trátase dun sensor de calcio co que puidemos desenvolver unha análise espacial da actividade dos astrocitos a gran escala. É un método moi versátil para analizar tecido fixado ex vivo e in vivo”, explica Irene Serra, investigadora do CSIC no Instituto Cajal e primeira autora do artigo.

No estudo combinouse o uso desta nova ferramenta con técnicas experimentais como a optoxenética para estimular circuítos específicos con luz e a electrofisioloxía para estimular a actividade neuronal. “Esta metodoloxía permitiunos avanzar no estudo das redes neurona-astrocito e pode ser de gran utilidade para continuar no camiño do coñecemento do funcionamento dos circuítos de recompensa”, sinala a investigadora.


Referencia: Ca2+-modulated photoactivatable imaging reveals neuron-astrocyte glutamatergic circuitries within the nucleus accumbens (Publicado en Nature Communications)

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.