Mércores 21 Febreiro 2024

17 guías para o 17 de maio: configúrate para usar o galego na rede

PuntoGal pon a disposición da comunidade unha serie de guías que posibilitan o uso da lingua nos dispositivos móbiles, redes sociais e programas

A presenza da lingua galega na rede, aínda que segue atopándose con obstáculos para atoparse nunha situación de ‘normalidade’ fronte a outras, vese reforzada pola presenza dunha comunidade moi activa que achega todo tipo de recursos e ferramentas. Neste sentido, a posibilidade de usar as diversas redes sociais e ferramentas ofimáticas ou configurar os dispositivos móbiles na lingua propia é un pequeno pero importante paso para que o galego se faga oco no mundo do século XXI.

Co obxectivo de contribuír a que a cidadanía siga este camiño, a asociación PuntoGal pon a disposición no seu portal unha serie de 17 guías básicas para conseguilo (ligazón aquí). Dun xeito gráfico e sintético, a serie amosa as ferramentas precisas para configurar en galego paquetes como LibreOffice ou Microsoft Office, redes como Facebook, Telegram ou Twitter, navegadores como Firefox, servizos integrais como Google e sistemas operativos como Android, Windows ou iOS. O crecemento da comunidade de usuarios que dan este paso contribúe a mellorar o posicionamento da lingua na rede e, polo tanto aumentar a súa visibilidade.

Publicidade

Promoción de dominios

Co gallo do Día das Letras, PuntoGal achega tamén unha promoción de rebaixa no prezo dos novos dominios. Nos rexistradores sumados a esta promoción, as persoas interesadas poderán obter o seu .gal por un prezo máximo de 15 euros máis IVE. Os prezos rebaixados estarán vixentes desde o día 15 e ata o 30 de setembro. Hai máis información no web de PuntoGal.

PuntoGal, que xa supera os 5950 dominios rexistrados, segue traballando para que todas aquelas persoas, asociacións, institucións e empresas que queiran visibilizarse na rede como parte da comunidade galega poidan facelo.

O dominio segue a manter o seu programa corporativo de apoio a iniciativas relacionadas coa lingua, a cultura e as TIC en Galicia. Entre as actividades xa realizadas figura a colaboración coa localización en galego do navegador Firefox, o concurso de microrrelatos coa RAG, o apoio ó Día das Rapazas nas TIC do CESGA, a First Lego League Galicia ou o patrocinio das seleccións galegas de fútbol gaélico. O dominio forma parte, igualmente, da Asociación internacional de dominios Geotlds, do RYSG Group e participa activamente das actividades da ICANN, organismo internacional que xestiona a rede a nivel mundial.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:03:49

F de Fala: as palabras que nos sosteñen

'Veiga', 'laverca' e 'Rábade' son palabras que herdamos de linguas perromanas, xermanas e árabes e que hoxe forman parte do léxico galego

Unha campaña de doazón de voz recollerá as variedades fonéticas e dialectais de Galicia

O obxectivo é acadar as máis de 1.000 horas de gravación precisas para que dispositivos como Siri, Alexa ou Google recoñezan as distintas cadencias lingüísticas

As 10 palabras do Nadal en galego que debes saber

Existen moitas expresións para referirnos aos enfeites, as tradicións ou o tempo. Descúbreas e engádeas ao teu vocabulario

Máis xornalismo e máis divulgación

Editorial de Gciencia polo seu décimo aniversario