Venres 29 Marzo 2024

O uso de máscara reduce máis dun 50% o risco de transmisión da Covid-19, di unha análise global

Unha metaanálise de máis de 70 estudos publicada no "The British Medical Journal" abordou a efectividade das diversas medidas non farmacolóxicas

Unha metaanálise realizada a nivel mundial e publicada este xoves por The British Medical Journal constata como as medidas de saúde pública destinadas a reducir a incidencia e a mortalidade causada pola Covid-19, así como a transmisión do coronavirus SARS-CoV-2, teñen un impacto real en conter a actual pandemia. Os resultados fanse públicos nun contexto no que, coa chegada do outono, boa parte de Europa está a afrontar unha nova vaga que afecta principalmente á franxa da poboación non vacinada e especialmente vulnerable á enfermidade.

A revisión de decenas de estudos observou unha redución estatisticamente significativa do 53% na incidencia da Covid-19 polo uso de máscara e dun 25% co distanciamento físico.

Publicidade

Segundo os seus autores, o estudo engade novas evidencias que reforzan a idea de que “as medidas persoais e sociais, como o lavado de mans, o uso de máscara e a distancia física son efectivas e reducen a incidencia da Covid-19″. E, por outra banda, o traballo incide na necesidade de abordar con precaución outras restricións máis estritas, como os peches de fronteiras, centros educativos ou lugares de traballo, “sopesando os posibles efectos negativos na poboación”.

Esta nova revisión enche algúns dos baleiros na información dispoñible, que impedía tirar conclusións sólidas sobre a efectividade das medidas non farmacolóxicas. Para conseguilo, os investigadores buscaron nas bases de datos estudos que avaliasen o efecto destas precaucións. Foron, en total, 72 estudos, dos que 35 analizaban medidas individuais e outros 37, múltiples decisións de saúde pública, realizados nos cinco continentes.

Con todo, os propios investigadores que asinan o traballo advirten das limitacións dos resultados, apelando a que “son precisos máis estudos” para reforzar as evidencias observadas, aínda que conclúen que os datos das súas observacións son sólidos.


ReferenciaEffectiveness of public health measures in reducing the incidence of covid-19, SARS-CoV-2 transmission, and covid-19 mortality: systematic review and meta-analysis (Publicado en The British Medical Journal).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que algúns pacientes teñen covid persistente e outros non? Este estudo dá na clave

Un equipo do Hospital Universitario de Zúrich busca mellorar a atención aos doentes con novas estratexias de tratamento

Ascenden a 57 os falecidos por gripe en Galicia

O último informe do Sergas confirma a tendencia á baixa da incidencia nas catro provincias

Por que aumentan as infeccións respiratorias agudas en España?

Estamos xusto no momento do incremento da curva da gripe que este ano coincidiu co Nadal e o aumento dos contactos sociais

Tes gripe ou covid? Estas son as diferenzas

A inmunóloga África González admite que teñen síntomas moi similares pero que se distinguen polo tempo de incubación e a estacionalidade