Algunhas persoas sofren demencia incipiente cando van cumprindo anos. Para evitar dita perda, a reserva cognitiva do cerebro ponse a proba. Investigadores da Universidade de Santiago de Compostela estudaron que indicadores inflúen en mellorar esta habilidade e conclúen que ter máis vocabulario é un deles. Denomínase reserva cognitiva á capacidade que ten o cerebro de compensar a perda das súas funcións. Esta reserva non se pode medir directamente, senón que se calcula a través de indicadores que se considera que aumentan dita capacidade. Xa se sabía que as persoas bilingües están máis protexidas contra a demencia senil. Agora quedan retratados os beneficios do diccionario.
O vocabulario considérase un indicador de ‘intelixencia cristalizada’
A investigación da Universidade de Santiago de Compostela (USC) estudou como inflúe ter un amplo vocabulario na reserva cognitiva das persoas maiores. “Centrámonos no nivel de vocabulario, tendo en conta que se considera un indicador da intelixencia cristalizada [o uso das habilidades intelectuais xa aprendidas]. O que pretendiamos era afondar na súa relación coa reserva cognitiva”, declarou á axencia SINC Cristina Lojo Seoane, da USC, coautora do traballo que publica a revista ‘Anales de Psicología’.
O equipo de investigación seleccionou unha mostra de 326 persoas maiores de 50 anos, unhas delas sans e outras con deterioro cognitivo lixeiro. Posteriormente mediron o seu nivel de vocabulario, xunto con outras medidas como os anos de escolarización, a complexidade laboral e os hábitos de lectura.
Os voluntarios foron sometidos á Escala de Wechsler e ó test de Peabody
Ademais, analizaron as puntuaciones obtidas nas diferentes probas, como o subtest de vocabulario Escala Wechsler de Intelixencia para Adultos (WAIS, polas súas siglas en inglés) e o test de vocabulario de imaxes Peabody.
“Cunha análise de regresión, calculamos a probabilidade de que houbese deterioro en función do nivel de vocabulario que tiñan os participantes”, asegura Lojo Seoane.
Os resultados mostraron maior prevalencia de deterioro cognitivo lixeiro naqueles participantes que obtiuvieron unha menor puntuación de nivel de vocabulario. “Isto levounos a concluír que un maior nivel de vocabulario, como medida de reserva cognitiva, pode ser protectora fronte ao deterioro cognitivo”, conclúe a investigadora.
