O estudo atopa relación entre periodontitis e disfunción eréctil.

Relacionan a inflamación das enxivas coa disfución eréctil

Investigadores da Universidade de Granada relacionan a periodontite, unha patoloxía das enxivas e das estruturas que rodean e soportan ao dente, coa impotencia sexual masculina. Os resultados amosan como os pacientes con esta enfermidade tiveron 2,28 veces máis probabilidade de sufrir disfunción eréctil que os pacientes periodontalmente sans.

Os homes con periodontite, unha enfermidade que consiste na inflamación das encías e das estruturas que rodean e soportan ao dente, teñen máis risco de sufrir disfunción eréctil. Así se desprende dun estudo realizado por investigadores da Universidade de Granada (UGR), que indica como un correcto cepillado de dentes e unha adecuada hixiene bucal poden axudar na prevención deste tipo de impotencia sexual masculina.

A disfunción eréctil defínese como a incapacidade no home para ter unha erección debido a causas orgánicas, psicolóxicas ou unha combinación de ambas. A periodontite é unha inflamación crónica da encía con destrución de óso alveolar e tecido conjuntivo que rodean e soportan o dente e leva á perda do mesmo.

Nesta enfermidade, as propias bacterias periodontais ou as citoquinas inflamatorias orixinadas no foco xinxival lesionan os endotelios vasculares. Cando esta disfunción endotelial se produce nos vasos do pene, altérase o fluxo sanguíneo neste órgano e acontece a impotencia.

Neste estudo de 80 casos e 78 controis, con pacientes tratados no Servizo de Urología do Hospital Clínico San Cecilio do Parque Tecnolóxico da Saúde (PTS) de Granada, recolléronse datos sociodemográficos, realizouse un exame periodontal e unha analítica para medir os niveis de testosterona, o perfil lipídico, a proteína C-reactiva, a glucemia e a hemoglobina glicosilada.

Os resultados, publicados no Journal of Clinical Periodontology, revelan que o 74% dos pacientes con disfunción eréctil presentaron periodontitis, de tal maneira que os pacientes con maior disfunción tiñan maior lesión periodontal.

Os pacientes con periodontite tiveron 2,28 veces máis probabilidade de sufrir disfunción eréctil que os pacientes periodontalmente sans, e as variables bioquímicas asociados foron os niveis de triglicéridos, proteína C reactiva e a hemoglobina glicosilada.

Aquí podes consultar o artigo científico no Journal of Clinical Periodontology

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.