O 13 de marzo de 2020, o presidente do Goberno español, Pedro Sánchez, anunciaba a declaración do estado e alarma en todo o territorio por mor da elevada transmisión do coronavirus SARS-CoV-2, que desde febreiro se estaba propagando silenciosamente por boa parte da península ibérica. Horas antes, o presidente da Xunta, Alberto Núñez Feijoo, anunciaba a declaración da emerxencia sanitaria polo mesmo motivo.
Comezaba un tempo traumático, do que aínda hoxe, xusto un ano despois, non se repuxo a sociedade. O impacto sanitario, social e económico foi severo. E custará tempo repoñerse. Pero ao mesmo tempo, a ciencia acadou un enorme fito coa obtención de diversas vacinas que desde finais de 2019, apenas un ano despois de que se coñecese a existencia do virus, xa se están administrando na poboación.
GCiencia estrea, neste aniversario, o podcast O ano da pandemia, no que participan investigadores que seguiron de primeira man a crise. A peza, escrita e producida por Manuel Rey, conta coa participación de Juan Gestal, María José Pereira, José Gómez Rial, África González, José Antonio Taboada, Mariano Esteban, José Martínez Costas, Sonia Villapol ou Santiago Lago Peñas. Podes escoitalo aquí, en Ivoox e Spotify:
Podes ler as reportaxes sobre o aniversario da pandemia premendo na imaxe baixo estas liñas:
