A OMS apunta que o crecemento das doenzas infecciosas no mundo pode desencadear unha pandemia.

A OMS advirte do risco dunha pandemia que podería matar 80 millóns de persoas

Un informe expón sete medidas urxentes para previr a aparición dunha doenza respiratoria comparable á letal gripe de 1918

Podería ser o guion dun filme de catástrofes, pero quen o asina é un organismo dependente da Organización Mundial da Saúde (OMS), no primeiro informe anual sobre a preparación mundial para as emerxencias sanitarias, que publica o Global Preparedness Monitoring Board (GPMB). Esta entidade, impulsada pola propia OMS e o Banco Mundial para garantir a preparación ante posibles crises de saúde pública a nivel mundial.

“Enfrontámonos á ameaza moi real dunha pandemia fulminante, sumamente mortífera, provocada por un patóxeno respiratorio que podería matar de 50 a 80 millóns de persoas e liquidar case o 5% da economía mundial”, exponse no prólogo deste documento, asinado polos copresidentes do GPMB Gro Harlem Brundtland (expresidenta da OMS) e Elhadj As Sy (secretario xeral da Federación Internacional de Sociedades da Cruz Vermella e a Media Lúa Vermella).

O documento, de 48 páxinas, argumenta esta advertencia nos crecentes abrochos de doenzas infecciosas no planeta. “Entre 2011 e 2018, a OMS rexistrou 1.483 episodios epidémicos en 172 países”, subliñan. Como exemplo, poñen os brotes das síndromes respiratorias SARS e MERS, os virus do ébola ou o zika. No caso do ébola, expoñen o grave impacto que o actual brote está tendo para países como Serra Leona, Guinea ou Liberia.

Mapa mundial de doenzas (en vermello, novas enfermidades; en azul, doenzas que volven aparecer, e en negro; doenzas deliberadamente creadas). Fonte: GMPB.
Mapa mundial de doenzas (en vermello, novas enfermidades; en azul, doenzas que volven aparecer, e en negro; doenzas deliberadamente creadas). Fonte: GMPB.

“Unha pandemia mundial desta escala sería unha catástrofe e desencadearía caos, inestabilidade e inseguridade xeneralizadas. O mundo non está preparado. Os brotes afectan máis intensamente ás comunidades con menos recursos, dada a súa falta de acceso aos servizos de saúde básicos, auga limpa e saneamento; e isto agravará a propagación de calquera patóxeno infeccioso”, engade o texto.

O texto asinado polos copresidentes do GPMB conclúe: Durante demasiado tempo permitimos que houbera un ciclo de pánico e abandono nas pandemias: prodigamos esforzos cando xorde unha ameaza grave e esquecémonos rapidamente cando a ameaza remite. Chegou o momento de actuar”.

Para evitar a situación, o documento enumera sete medidas a cumprir para as administracións estatais e organizacións rexionais de diversas partes do mundo, co obxectivo de cumprir estas metas antes de setembro de 2020.

Aquí podes consultar un resumo do informe en castelán.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.