Venres 29 Marzo 2024

Identifican un mecanismo para activar as células nai do cerebro adulto

O estudo liderado polo CSIC describe as proteínas clave na neuroxénese adulta e abre a porta ao deseño de estratexias contra enfermedades neurodexenerativas

O nacemento de novas neuronas non termina na infancia. Nalgunhas rexións do cerebro, séguense formando durante toda a nosa vida, integrándose na capa de células adxacentes e partipando de procesos como os de aprendizaxe ou memoria. A clave para esta neuroxénese atópase na regulación da capacidade proliferativa células nai neurais, co potencial para xerar novas neuronas.

Porén, estas células adoitan manterse durmidas, se ben o seu estado de quiescencia é reversíbel. Co fin de tratar de espertalas, un estudo internacional liderado por investigadoras do Consejo Superior de Investigaciones Científicas (CSIC) acaba de descubrir un novo mecanismo que controla a activación de células nai no cerebro e que promove a xeración de novas células ao longo de toda a vida.

Publicidade

Na investigación, liderada por por Aixa V. Morales, investigadora do Instituto Cajal do CSIC, describíronse unhas proteínas, presentes nas células nai, fundamentais para a activación da neuroxénese adulta. Un achado que evidencia a importancia de entender as claves xenéticas que promoven a xeración de novas células e abre a porta ao deseño de estratexias para activar as células nai neurais en situacións de perda neuronal, como acontece en enfermidades neurodexenerativas.

As SoxD, proteínas fundamentais

O grupo descubriu que a clave estaría nas proteínas Sox5 e Sox6, aquelas que se atopan maioritariamente nas células nai neurais do hipocampo, encargado da memoria e a aprendizaxe. “Empregamos estratexias xenéticas que nos permiten eliminar selectivamente estas proteínas das células nai do cerebro de ratos adultos e demostramos que son esenciais para a activación destas células e para a xeración de novas neuronas do hipocampo”, explica Aixa V. Morais.

Neste traballo, no que tamén participaron os grupos de Helena Mira, do Instituto de Biomedicina de Valencia (IBV-CSIC) e o de Carlos Vicario, do Instituto Cajal, observouse tamén que as mutacións impiden a xeración de novas neuronas nos ratos con enriquecemento ambiental. Isto é, aqueles que dispoñen de espazos máis amplos e novos,  “En contornas favorables prodúcese unha maior activación das células nai e, por tanto, xérase un maior número de neuronas. Con todo, a eliminación de Sox5 do cerebro destes ratos supón un obstáculo para a neuroxénese”, indica Morais. Xunto a este enriquecemento ambiental, outras situacións fisiolóxicas e patolóxicas, como o exercicio físico ou a aprendizaxe de tarefas, poden estimular a neuroxénese na formación hipocampal adulta.

Futuras estratexias contra a neurodexeneración

Comprender os mecanismos moleculares que controlan a activación da neuroxénese en adultos abrirá novos enfoques para a medicina rexenerativa e o tratamento de trastornos cerebrais. Nesta liña, estudos previos xa demostraran que mutacións inactivadoras de Sox5 e Sox6 en humanos están detrás de enfermidades raras do neurodesenvolvemento, como as síndromes de Lamb-Shaffer e Tolchin-Lle Caignec. Síndromes que provocan déficits cognitivos e trastornos do espectro autista. “Este traballo permitirá unha mellor comprensión das importantes alteracións neuronais que se manifestan nestas enfermidades”, conclúe Morais.


ReferenciaSoxD genes are required for adult neural stem cell activation (Publicado en Cell Reports)

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Que fai a supercomputación galega nun xacemento exipcio de hai 3.500 anos?

O CESGA almacena nun repositorio seguro a información das campañas de escavación que se desenvolven na antiga cidade de Tebas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias