Europa prevé aprobar xa en decembro a vacina de Pfizer

En xaneiro podería comezar as vacinacións de sanitarios e persoas de alto risco, tras o anuncio da UE de aprobar tamén en xaneiro a de Moderna

A suspensión dos ensaios é habitual no proceso de obtención de fármacos e vacinas. Foto: Pixabay.
O proceso de creación dunha vacina pasa por varias fases de tests. Foto: Pixabay.

As vacinas contra o coronavirus SARS-CoV-2 poden ser unha realidad en Europa en cuestión de semanas. Porque a a Axencia Europea do Medicamento (EMA) anunciou hoxe que ten previsto acelerar os procesos de aprobación das dúas vacinas que xa o solicitaron: a de Pfizer e a biotecnolóxica alemá BioNTech e a de Moderna, ambas as dúas baseadas no ARN. A primeira podería contar co visto e prace o 29 de decembro e a de Moderna o 12 de xaneiro, segundo anunciou hoxe a entidade europea.

A EMA prevé que o Comité de Medicamentos de Uso Humano (CHMP, polas súas siglas en inglés), o organismo encargado de aprobar a comercialización das vacinas, conclúa a súa avaliación sobre a seguridade e eficiencia dos prototipos nunha reunión extraordinaria que se produciría “como tarde” nas datas indicadas, confirmou unha portavoz da axencia. A nova supón un procedemento récord, cando a pandemia do coronavirus xa se cobrado preto de 400.000 mortos no continente europeo.

Unha vez dispoñan do visto e prace da EMA, a Comisión Europea é a encargada de tomar a decisión final sobre o seu lanzamento ao mercado europeo. Dada a urxencia, esta autorización será tomada rapidamente. “Será probablemente unha cuestión de días”, asegurou este mediodía un portavoz do Executivo comunitario. Con estas previsións, as campañas de vacinación poderíanse poñer en marcha no principio do ano, cos colectivos máis expostos (sanitarios e persoas maiores) como prioridade.

A alemá Ursula von der Leyen, presidenta da Comisión Europea, advertiu que as autorizacións responderán só os criterios de efectividade e seguridade das vacinas. Tamén salientou que é preciso crear ‘narrativas fortes’ para loitar contra as mentiras dos grupos antivacinas ou negacionistas da pandemia.

“A vacinación é autoprotección e solidariedade”, dixo hoxe Von der Leyen, quen destacou que o desenvolvemento das vacinas supuxo “un progreso sen precedentes” e pediu solidariedade coas iniciativas que buscan garantir “tratamentos para todo o mundo”. “Agora sabemos que derrotar a este virus é posible, pero ningún país nin goberno poderá facelo só. Isto é así a nivel global, dentro de Europa e entre os sectores público e privado”, dixo.

A alianza de Pfizer e BioNTech presentou este martes a súa solicitude de autorización condicional para a súa vacúa Covid-19 ante a EMA, mentres que a compañía Moderna presentouna onte. Esta petición ao organismo regulador europeo prodúcese despois de que as empresas solicitasen tamén a aprobación de EE UU coa intención de lanzar a súa vacina do seito máis inmediata posible.

1 comentario

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.