Unha urbe con premio

Dende 1999, a cidade de Pontevedra experimentou un fondo cambio, unha transformación en positivo cara un modelo de cidade sostible. Creouse unha cidade pensada por e para as persoas, na que “o espazo público é unha continuación da propia casa” tal e como o define Fernández Lores, alcalde da cidade.

Hoxe, o modelo urbano de Pontevedra é recoñecido e premiado a nivel mundial en amplas instancias e en todas as facetas que compoñen a calidade urbana: accesibilidade, seguridade viaria, autonomía de nenos, recuperación do patrimonio, mellora do hábitat, cidade ambiental, etc. Proba disto son os numerosos recoñecementos que ten recibido, xunto ao feito de que profesionais e dirixentes políticos con responsabilidades na xestión urbana teñan dirixido as súas olladas a Pontevedra como referente mundial dunha correcta transformación do modelo de cidade.

Publicidade

pontevedra aérea 3

Esta admiración desde o exterior maniféstase ademais nas ducias de invitacións e participacións para expoñer as principais claves do modelo urbano e a importancia das cidades sostibles. No que se refire aos premios e recoñecementos concedidos ó modelo urbano de Pontevedra, destacan os seguintes:

Premio Cidade de Pedra (2006): Outorgado pola Asociación de Graniteiros de Galicia pola excelente utilización desta materia prima na transformación urbana da cidade.

Premio CERMI do Comité Español de Representantes de Persoas con Discapacidade (2007): outorgado á mellor acción institucional pola xeneralización da accesibilidade universal en todo o espazo urbano de Pontevedra.

Premio Nacional da Cultura Galega (2008): outorgado pola Xunta de Galicia ao proceso de transformación urbana que experimentou a cidade, especialmente no referente á recuperación patrimonial e da memoria histórica, devolvéndolle o seu ambiente orixinario como foro cívico, ó tempo que alcanzou unha grande calidade urbana.

Premio Festival de Seguridade Viaria (2010): Entregado en Alcobendas polos premios desta entidade privada, presidida polo catedrático de seguridade viaria da Universidade de Valencia, Luis Montoro, e da que forman parte a DGT, a Deputación de Valencia, o Concello de Madrid, a Fundación ONCE e outras empresas dos sectores do transporte e os seguros.

Premio de Mobilidade Sostible do II Encontro de Cidades pola Seguridade Viaria (2011): Celebrado en Córdoba, impulsado pola DGT e a Federación Española de Municipios e Provincias, de cuxo xurado formaban parte representantes destas entidades.

Pontevedra, Cidade Amiga da Infancia (2012): Realizada pola Fundación Meniños de apoio á infancia. Os nenos poden andar e xogar sos polas rúas e ir camiñando á escola sen compañía de adultos, o que permite considerar a cidade como un elemento educador de primeira orde, que fomenta a autonomía dos rapaces.

Premio Intermodes (2013): outorgado en Bruxelas pola Axencia Europea así denominada, que ten como misión fomentar o desenvolvemento da intermodalidade no transporte, desde todas as súas dimensións. Neste caso, fixáronse en Pontevedra como paradigma da intermodalidade con base peonil, destacando o papel a cidade como modelo da promoción da cultura peonil entra a cidadanía, que é o propio e aconsellable para distancias inferiores ós 2kms de distancia.

Premio ONU Hábitat (2014): outorgado en Dubai por este organismo dependente das Nacións Unidas polo modelo urbano baixo o título “Unha cidade pensada para as persoas”. O “Dubai Award” é un premio bienal dedicado a destacar as principais experiencias do mundo que teñan como finalidade aumentar a mellora da calidade de vida das persoas. A mellora en xeral do medio ambiente urbano, a redución de fumes e ruídos, as melloras en integración, a mobilidade sostible, a prioridade peonil, a atención ós espazos públicos e a participación pública foron parte dos razoamentos que sustentaron esta distinción.

Center for Active Design Excellence Award (2015) : Premio outorgado en Nova York por este centro ligado á Fundación Michael Bloomberg que promove accións exemplares que promocionen a saúde a través da arquitectura e dunha planificación urbanística centrada nas persoas. O deseño de cidades que promovan a mobilidade a pé, a actividade física e a interactuación dos cidadáns e así combater a obesidade e as enfermidades crónicas asociadas, unha auténtica epidemia entre a poboación estadounidense e en ascenso en distintas partes do mundo. A organización considerou a Pontevedra como pioneira dun deseño urbano centrado nas persoas e que promove hábitos de vida saudables.

Premio Cidade de Mobilidade Intelixente Euro-China (2015): O premio entregouse co gallo da celebración do China International New Energy Vehicle Show 2015, un congreso internacional sobre novas enerxías que organiza cada ano o Premio Cidade de Mobilidade Intelixente, que recoñece ás cidades de Europa e Asia que destaquen polos seus compromisos nestes aspectos. A recuperación dos espazos públicos, o aumento das posibilidades de mobilidade, a promoción dun estilo de vida máis saudable, o reforzo das políticas de seguridade viaria e a redución de gases e emisións á atmosfera, foron as razóns que fixeron á cidade de Pontevedra merecedora deste galardón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Pacientes de párkinson practican ciclismo e remo coa realidade virtual da UVigo

O proxecto do campus de Pontevedra pretende mellorar a integración dos doentes con exercicios curtos pero de alta intensidade que resulten motivadores

A feira ‘A ciencia que vén’ celebrarase por primeira vez en Pontevedra

O evento da UVigo englobará unha serie de obradoiros, actividades lúdicas e charlas divulgativas

Catro galegos proban o primeiro fármaco contra o fígado graxo nun ensaio clínico pioneiro

O tratamento, que acaba de ser aprobado en Estados Unidos, pode tardar dous anos en estar dispoñible en España

Os antepasados dos pontevedreses tiñan desgaste dental severo polo consumo de peixe

Un equipo da USC demostra a relación entre dieta e saúde bucal despois de analizar restos óseos de 34 individuos que viviron entre os séculos XIII e XVII