Explicación: preto do horizonte a Lúa chgea semella a miúdo ameazantemente grande, inchada en aparencia pola famosa ilusión luar. Pero as imaxes en vídeo secuencia demostran que o tamaño aparente da Lúa realmente non muda mentres gabea cara o cenit. Aínda que a súa cor si que o fai. Esta imaxe, que rexistra un fotograma cada 10 segundos, amosa o espectacular que pode ser o cambio de cor. A composición segue unha Lúa chea dun solsticio rubindo sobre un horizonte agreste ao noroeste de Indiana. Unha diminuída liña de visión ao través da densa e poeirenta atmosfera do planeta Terra modificou o luar da cor vermella amorodo a un ton amarelado pálido pasando polo mel. Ese troco semella axeitado para unha Lúa chea de xuño setentrional coñecida tamén coma a Lúa de Amorodo ou Lúa de Mel.
