Galicia detecta dous novos casos sospeitosos de varíola do mono

A comunidade segue sen confirmar persoas infectadas co virus, despois de que as tres primeiras deran negativo nas mostras enviadas a Madrid

Galicia ten dous novos casos sospeitosos. Foto: Unsplash
Galicia ten dous novos casos sospeitosos. Foto: Unsplash

A Consellería de Sanidade vén de informar da detección de dous novos casos sospeitosos de varíola do mono, despois de que os tres iniciais deran negativo nas mostras enviadas ao Instituto de Salud Carlos III de Madrid. Así é que, de momento, a comunidade autónoma non ten ningún caso confirmado.

O presidente da Xunta de Galicia, Alfonso Rueda, validou esta mañá a información nun acto celebrado en Santiago. “Había tres primeiros sospeitosos que apareceron e xa está confirmado que o resultado é negativo. Polo tanto, non se trataba de casos de varíola do mono”, apuntou.

“Agora hai outros dous que tamén son sospeitosos e están en período de análise e aínda sen confirmar nun sentido ou noutro”, continuou indicando Rueda. O presidente da Xunta insistiu que, de momento, non hai ningún caso confirmado en Galicia despois de descartar os tres primeiros, mentres que os dous casos sospeitosos actuais están agora mesmo en estudo.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.