Máis do 50% da poboación mundial convive coa dor de cabeza

Unha revisión global de publicacións revela que o 15,8% das persoas sofre cefaleas a diario

Para moitas persoas a cefalea non é unha afección momentánea que se poida paliar co consumo de analxésicos. De feito, a revista The Journal of Headache and Pain acaba de publicar unha revisión dos estudos sobre a prevalencia da dor de cabeza que revela que o 52% da poboación mundial vese afectada por este trastorno crónico cada ano.

Neste estudo, realizado por epidemiólogos da Universidade de Noruega de Ciencia e Tecnoloxía (NTNU), analizouse un corpus de 357 publicacións entre os anos 1961 e 2020, co obxectivo de estimar a incidencia real deste problema de saúde arredor do mundo. Debido a que a maioría dos artigos estudados proviñan principalmente de países de altos ingresos económicos, os autores decidiron tomar unha mostra de participantes adultos, de entre 20 e 65 anos, que pertencesen a diversos sectores da sociedade. Deste modo, tentaron facer un retrato o máis real posible da realidade desta doenza e da diversidade de síntomas que presentan os seus afectados.

Publicidade

O 15,8% da poboación padece dor de cabeza a diario

Os resultados da investigación de Jacob Stovner e os seus compañeiros revelaron que o 15,8% da poboación padecía dor de cabeza a diario, e que o 52% sufría este trastorno cada ano. Desa porcentaxe, o 14% dos afectados identificaba os seus síntomas cunha migraña, o 26% cunha dor de cabeza de tipo tensional e o 4,6% admitiron padecer cefalea durante 15 ou varios días ao mes.

Ademais, os estudos observaron que a dor de cabeza é máis común entre mulleres que entre homes: o 17% das mulleres padece migrañas cada ano, fronte ao 8,6% dos varóns que tamén a sofren. De feito, un 6% delas informou que tiña dor de cabeza máis de 15 días ao mes, mentres que a porcentaxe de homes baixaba neste caso ao 2,9%.

Publicidade

Insistir na mellora da calidade de vida

Os autores indicaron tras a súa revisión que as migrañas son un problema real cada vez máis estendido entre a poboación global e que afecta con distinta intensidade as persoas que a padecen. “A prevalencia dos trastornos de cefalea segue sendo alta en todo o mundo. Máis da metade das persoas teñen dor de cabeza cada ano, e case o 5% máis da metade dos días dun mes”, explicou Jacob Stovner para a Agencia SINC.

“Debemos esforzarnos por reducir esta carga mediante a prevención e un mellor tratamento”

Por iso insisten na necesidade de centrar a atención neste problema de saúde xeneralizado. “Debemos esforzarnos por reducir esta carga mediante a prevención e un mellor tratamento. Animar os médicos e os responsables dos sistemas sanitarios a mellorar a atención para estes pacientes. Isto inclúe información ás persoas afectadas e unha mellor prevención e tratamento dos episodios”, engadíu o principal autor da NTNU.

Este estudo busca ser unha base de referencia para as vindeiras investigacións relacionadas, sobre como avaliar as taxas de cefaleas en todo o mundo e así mellorar os métodos de medición do éxito de intervencións e terapias. O obxectivo establecido para o futuro, como indicou Stovner a SINC, será analizar as diferentes causas destas dores de cabeza.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Canta poboación haberá no teu concello en 2025? Compróbao neste mapa

A aplicación web 'Population around a point' permite coñecer o número de habitantes que terán nun ano as localizacións a nivel mundial

A credibilidade na ciencia é menor entre a mocidade que entre o público adulto

Só o 72,6% das persoas de entre 18 e 24 anos cre que as disciplinas científicas buscan a verdade, fronte ao 90,2% da poboación maior de 65 anos

h

Un equipo galego revisa a literatura científica sobre estes eventos dende comezos do século XX ata a data

As embarazadas transfiren anticorpos que protexen durante uns meses ao bebé de covid-19

Investigadores españois demostran que a protección diminúe de forma progresiva nos primeiros seis meses de vida