Descobren desde Galicia proteínas diana para a doenza ocular do queratocono

Esta enfermidade dexenerativa causa unha importante discapacidade visual en mozos e mozas, moitas veces polo retraso no diagnóstico

Investigadoras galegas autoras do achado. Foto: IDIS.
Investigadoras galegas autoras do achado. Foto: IDIS.

Un equipo de investigadoras galegas describen nun artigo publicado na revista Investigative Ophthalmology & Visual Science (IOVS) o achado de posibles proteínas diana para o queratocono, unha enfermidade crónica, progresiva e dexenerativa que causa unha importante discapacidade visual en adultos novos e que por agora non ten tratamento médico preventivo nin curativo. Está caracterizada por alteracións da estrutura corneal, adelgazamento e aumento do seu curvatura, provocando unha perda progresiva da agudeza visual.

O equipo, liderado por Isabel Lema e composto por investigadoras do Laboratorio de Neurodexeneración Corneal e Plataforma de Proteómica do IDIS de Santiago, o Instituto Galego de Oftalmoloxía (INGO) e a Facultade de Óptica e Optometría da USC, analizou unha mostra de 25 ollos sans e outros 25 ollos con queratocono. Grazas a novos métodos de espectrometría de masas combinadas con cromatografía líquida, un total de 203 proteínas lacrimais, das cales 18 mostraban diferenzas de expresión en relación cos suxeitos control.

As rutas biolóxicas nas que están implicadas estas proteínas evidenciaron, entre outras, a alteración de procesos inflamatorios e inmunes, de estrés oxidativo ou de transporte e homeostase de ferro, constituíndo un achado fundamental para o futuro desenvolvemento de estratexias diagnósticas e terapéuticas.

A enfermidade do queratocono é a que provoca máis discapacidade visual en mozos e mozas, cunha progresión moi rápida nos seus inicios. O desenvolvemento da enfermidade a idades temperás conleva unha maior progresión e un peor prognóstico. Ata o 28% de os nenos con queratocono presentan un estado avanzado no momento do diagnóstico. Ademais, a presenza de antecedentes familiares con esta enfermidade corneal referiuse ata nunha cuarta parte dos casos.

Por este motivo, englóbase dentro das principais causas de transplante corneal en pacientes novos, xa que o tratamento cirúrxico é paliativo e, aínda que frea a súa progresión, non reverte nin mellora, na maioría dos casos, a perda visual.


Referencia: Tear Proteomics in Keratoconus: A Quantitative SWATH-MS Analysis (Publicado en IOVS).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.