Venres 19 Abril 2024

Santiago axúdache a deixar de fumar

Elisardo Becoña.
Elisardo Becoña.

Co comezo de cada novo ano moitas persoas se marcan o firme propósito de deixar de fumar, pero non todas o conseguen. Para elas a Unidade de Tabaquismo e Trastornos Aditivos da Facultade de Psicoloxía da USC que dirixe o catedrático Elisardo Becoña ofrece distintos programas e tratamentos psicolóxicos que ao longo dos últimos 30 anos demostraron funcionar eficazmente.
Aínda que aumentara notablemente a conciencia social sobre a necesidade de deixar de fumar situando nun 24% a porcentaxe de poboación adulta que fuma a diario, non todo o mundo é capaz de deixar o tabaco por si só e por iso, recalcan dende a Unidade, “acudir a profesionais especializados no tratamento de fumadores e das adicións é unha garantía de éxito”.
O profesor Becoña leva traballando desde hai tres décadas na Facultade de Psicoloxía na loita contra o consumo de tabaco ofrecendo tratamentos psicolóxicos a un total de 14.000 persoas fumadoras (entre 230 e 250 novas cada ano), cunha porcentaxe de éxito dúas ou tres veces maior que o placebo ou o autoabandono. O máis coñecido, o seu Programa para deixar de Fumar,caracterízase por proporcionar aos fumadores un conxunto sinxelo de estratexias que van seguindo semana a semana para debilitar paulatinamente as compoñentes fisiolóxica (dependencia da nicotina), psicolóxica (hábito) e social (presión ao consumo).
O equipo de profesionais que traballan nese servizo pon dende hai anos especial atención á preocupación do fumador no proceso de abandono de maneira que lle ofrecen distintos programas psicolóxicos asociados que permiten tratar de maneira integral a quen desexe deixar de fumar. Desa maneira se incrementan as probabilidades de éxito “con quen ten medo a engordar ou mesmo con quen chega á Unidade con baixo estado de ánimo”, explica Becoña.

O fracaso do programa pode chegar “porque non todos o queren deixar”

Os usuarios do programa por correo repártense entre diferentes comunidades españolas e países como Alemaña, Francia ou Suíza. Case sempre se trata de emigrantes galegos que, logo de pagamento de 55 € polos gastos de envío, se apuntan ao plan da USC.
“Existe un grande interese por abandonar o tabaco, pero o que falla, en realidade, é que non todos os fumadores o queren deixar”, asegura o catedrático compostelán. O que inicia o tratamento da USC xa perdeu varias batallas pola súa conta. Adoitan ser persoas de entre 35 e 50 anos que empezan a notar problemas físicos ou sofren certos achaques de saúde.
Todas as persoas interesadas en deixar de fumar poden anotarse desde xa e ata finais deste mes de xaneiro na Unidade da USC a través do teléfono 881813939 ou por correo electrónico a elisardo.becona@usc.es.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os bebés expostos ao tabaco teñen maior probabilidade de consumir antibióticos

Un estudo galego analiza os factores asociados ao consumo deste medicamento cunha mostra de 18.882 mulleres

Ten sentido implantar en Galicia a nova medida antitabaco do Reino Unido?

A investigadora da USC Mónica Pérez advirte que nos países con altas taxas de fumadores é difícil que esta medida saia adiante

Confirmado: fumar prexudica as defensas incluso anos despois de deixalo

O tabaquismo produce alteracións na inmunidade innata e adaptativa, así como cambios epixenéticos que se manteñen durante décadas

Fumadores pasivos: respirar o fume alleo segue causando estragos

Este contaminante ambiental pode producir enfermidades como o cancro de pulmón, a cardiopatía isquémica e a morte súbita do lactante