Premian dous estudos do CiMUS e do IDIS sobre enfermidades de transmisión sexual

A Axencia Galega para a Xestión de Coñecemento en Saúde outorga estes galardóns, que recoñecen o traballo de Tamara Gómez Dacoba e Ignacio Ismael Lorenzo Pouso

A investigadora Tamara Gómez Dacoba obtén o primeiro premio de investigación sobre VIH e/ou outras infeccións de transmisión sexual que concede a Axencia Galega para a Xestión de Coñecemento en Saúde (ACIS). O galardón, dotado con 3.000 euros, recoñece a súa tese de doutoramento, que foi defendida no Centro Singular de Investigación en Medicina Molecular e Enfermidades Crónicas (CiMUS) da USC a no pasado e titúlase Nanotecnoloxía para a modulación da resposta inmune en VIH e cancro.

Gómez Dacoba está actualmente nunha estadía de post-doutoramento en Estados Unidos, no MIT Koch Institute for Integrative Cancer Research. Mais a súa tese realizouna baixo a dirección dos investigadores da USC José Crecente e María José Alonso do grupo Nanomedicina e Liberación de Fármacos (Nanobiofar).

Publicidade

Posible vacina para o VIH

Máis polo miúdo, a tese afonda nun posible candidato para unha vacina contra o VIH, constituída por nanopartículas cargadas con tres antíxenos peptídicos. En vista da prometedora protección contra a infección observada nos macacos, abordouse o deseño para a produción desta vacina candidata nun ambiente industrial. No que respecta ao contexto do cancro, este traballo de tese tamén desenvolveu unha potencial inmunoterapia con capacidade para polarizar macrófagos asociados a tumores cara a fenotipos antitumorais.

No marco dos galardóns concedidos por ACIS, o segundo accésit foi para Alejandro Ismael Lorenzo Pouso do Instituto de Investigación Sanitaria de Santiago de Compostela (IDIS) no que toma parte a USC. Lorenzo Pouso foi premiado polo artigo “Niveis de concienciación sobre a relación entre o cancro orofarínxeo e a infección polo VPH entre mulleres españolas: un estudo transversal hospitalario”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Investigadoras da USC atopan unha nova diana contra o fígado graxo

A investigación do CiMUS abre a porta a novas opcións terapéuticas para unha patoloxía que afecta o 25% da poboación española

Un equipo de Santiago descobre unha nova terapia contra un cancro agresivo de tiroides

Un estudo do CiMUS publicado na revista 'Nature Communications' elimina de forma selectiva as células cancerosas sen danar as sas

Este mecanismo dana a capa dos nervios en doenzas como a esclerose múltiple

O estudo realizado por un equipo de investigación do CiMUS publícase este venres na prestixiosa revista ‘Science Advances'

Nanotecnoloxía galega contra o tumor cerebral máis común

Un estudo da USC abre a porta a unha nova aproximación terapéutica que podería posibilitar un ensaio clínico nun prazo de tres anos