Detectados dous novos casos sospeitosos de varíola dos monos en Galicia

Hai tres tres posibles infeccións na comunidade que están á espera dun diagnóstico definitivo

Hai tres posibles casos de varíola dos monos en Galicia.
Hai tres posibles casos de varíola dos monos en Galicia.

A Consellería de Sanidade vén enviar as mostras de dous novos posibles casos da enfermidade da varíola do mono ao Instituto de Saúde Carlos III.

Até o de agora, a Dirección Xeral de Saúde Pública comunicou ao Centro de Coordinación de Alertas e Emerxencias Sanitarias, un total de tres posibles casos de infección, todas elas á espera dun diagnóstico definitivo.

Nomeadamente, o pasado venres Sanidade enviou a Madrid as mostras da primeira das persoas que presentou na nosa comunidade un cadro compatible coa definición da varíola do mono. Nas últimas horas, o departamento sanitario da Xunta comunicou dous novos posibles casos e remitiu as mostras ao Instituto de Saúde Carlos III, para que estas sexan avaliadas nos seus laboratorios.

Á espera dos resultados definitivos, cómpre salientar que estas tres persoas atópanse estables.

Desde que recibiu a alerta internacional sobre a varíola do mono, o pasado martes 17 de maio, Galicia está vixiante para poder identificar e confirmar, os posibles casos desta enfermidade.

Neste senso, a Dirección Xeral de Saúde Pública vén de adaptar o protocolo para a detección de posibles casos ao recibido o pasado venres do Ministerio Sanidade. Así, o novo documento establece unha nova definición para buscar/detectar novos casos, concreta a consideración de ‘contacto’, e incorpora as medidas de prevención/precaución que debe adoptar a cidadanía e o conxunto de profesionais dos centros sanitarios.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.