Únete á nosa canle de Whatsapp
Un novo coronavirus, unha misteriosa enfermidade similar ao SARS, estendeuse por China e outros tres países asiáticos tras emerxer por primeira vez na cidade central chinesa de Wuhan.
Alarma levantada
As autoridades chinesas alertaron á Organización Mundial da Saúde (OMS) o 31 de decembro de 2019 dunha serie de casos similares á pneumonía en Wuhan, unha cidade de 11 millóns de persoas. Os pacientes foron postos en corentena e os epidemiólogos comezaron a identificar a orixe da pneumonía. Un mercado de mariscos é o principal sospeitoso de estar no centro do brote, provocado polo paso dun virus doutros animais a humanos. O mercado está pechado dende o 1 de xaneiro de 2020 e a zona foi posta tamén en corentena.
Novo coronavirus
O 9 de xaneiro , a OMS di que o brote en Wuhan foi causado por un tipo de coronavirus previamente descoñecido , que pertence a unha ampla familia que vai desde o arrefriado común ata enfermidades máis graves como o SARS. Ata a data, 59 persoas foron infectadas, das cales sete están en estado grave, segundo unha peritaxe oficial.
Primeira morte
As autoridades sanitarias chinesas din que unha primeira persoa morreu do virus o 11 de xaneiro. Dende esa data, hai outras tres mortes confirmadas, 197 casos de enfermos e a doenza xa foi detectada tamén en Corea do Sur, Tailandia e Xapón, mentres que hai un caso en estudo en Australia.
Esténdese máis aló de China
O 13 de xaneiro, o virus propágase máis aló das fronteiras de China por primeira vez cun caso en Tailandia, segundo a OMS. A vítima era unha muller chinesa diagnosticada con pneumonía leve que regresara dunha viaxe a Wuhan. Polo do agora, todos os novos casos parecen relacionados co brote do mercado de mariscos de Wuhan.
Controis de Estados Unidos
O 17 de xaneiro, unha segunda persoa, un home de 69 anos, morre en Wuhan, segundo as autoridades. O mesmo día, o CDC anuncia que comezará a revisar aos pasaxeiros que cheguen desde Wuhan a tres aeroportos: San Francisco, JFK de Nova York e Los Ángeles.
Transmisión de humano a humano
O 20 de xaneiro, anunciose a terceira morte e máis de 100 novos casos en China, o que suscitou preocupacións antes as vacacións anuais do Aninovo chinés, que comeza o 25 de xaneiro e provoca millóns de desprazamentos de chineses para viaxar por todo o país. Isto aumentaría o risco de espallar o virus. O virus está agora xa presente en Beijing no norte, Xangai no leste e Shenzhen no sur. Rexistráronse máis de 200 casos. O virus tamén se detecta en Corea do Sur nunha persoa chinesa que chegou en avión desde Wuhan. O presidente de China, Xi Jinping, dixo que o virus debe ser “contido de maneira resolta” nos seus primeiros comentarios públicos sobre o brote. A transmisión de persoa a persoa é “afirmativa”, dixo un destacado experto chinés en enfermidades infecciosas, Zhong Nanshan, á cadea estatal CCTV.
Reunión da OMS
A Organización Mundial da Saúde convocou unha reunión de urxencia este mércores para estudar o alcance deste novo coronavirus. Este pequeno cumio quere reunir todos os datos sobre o virus dos que se dispón na actualidade e facer recomendacións para atallar o brote.
