Venres 29 Marzo 2024

As altas temperaturas disparan ata un 40% o risco de hospitalización en Galicia

Resulta innegable que o ambiente inflúe directa ou indirectamente no estado de saúde das persoas, existindo por tanto unha relación directa co dinamismo das sociedades no ámbito social, cultural, económico e político. O organismo humano e a atmosfera atópanse nun equilibrio físico e químico en constante intercambio de maneira que todos os seres humanos reaccionan ante os elementos atmosféricos –en especial factores como a temperatura do aire, a humidade, a velocidade do vento ou a radiación solar– para poder garantir o seu correcto e óptimo funcionamento orgánico.

O doutor Royé xunto a tribunal da súa tese doutoral na USC.
O doutor Royé xunto ó tribunal da súa tese doutoral na USC.

Desta cuestión ocupouse o graduado en Xeografía Dominic Royé na súa tese doutoral –merecedora da cualificación sobresaliente cum laude–, que asenta unha primeira base sobre a relación entre o ambiente térmico e os ingresos hospitalarios nas principais cidades de Galicia. Dos datos recabados constátase unha diminución xeneralizada e recorrente de ingresos durante todos os veráns, especialmente marcada nas patoloxías respiratorias, aínda que existe unha importante relación entre as temperaturas máximas e mínimas cos ingresos hospitalarios urxentes. As diferenzas estacionais e a variabilidade espazo-temporal das hospitalizacións maniféstanse de forma máis clara nos menores de 5 anos e nos maiores de 64, estes últimos máis vulnerables nas patoloxías cardiovasculares.
Los resultados obtidos no traballo, dirixido polos profesores do departamento de Xeografía Alberto Martí Ezpeleta e de Saúde Pública da USC Margarita Taracido Trunk, permiten concluír que a temperatura ambiental se relaciona de forma significativa coa morbilidade en todas as causas e nas enfermidades respiratorias. Ademais, sinala o investigador, “o impacto na morbi-mortalidade por calor maniféstase en efectos cuasi-directos con poucos días de retraso”.

Os menores de 5 anos e os maiores de 65 son os máis afectados pola calor

Nun ambiente caloroso como o destes días, por exemplo, en Vigo atopáronse aumentos de risco de hospitalización do 31% ou 17% nos menores de 5 e maiores de 64 anos, respectivamente, con temperaturas de 35°C, chegando incluso ao 90% no caso dos máis pequenos. Tamén se observaron efectos exclusivamente por altas temperaturas mínimas de máis de 20°C con riscos superiores ao 40 % en todos os grupos e cun retardo dun día. Os maiores de 64 mostran un aumento de risco de ata o 59% cunha temperatura mínima de 22°C.
En Ourense detectouse que as altas temperaturas mínimas afectan ás complicacións respiratorias de maneira que nas persoas maiores se rexistrou un día despois dos 22°C un aumento do risco do 56%. Pola súa banda, en Santiago apréciase un risco de hospitalización do 30 % cunha temperatura de 37°C e cun retardo medio de 3 días. Tamén en Pontevedra se puido observar nas enfermidades respiratorias un ascenso do risco de hospitalización ao 52% un día despois dunha temperatura máxima de 40°C.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

2023, o ano máis cálido dende que hai rexistros

A estimación ten en conta as variacións rexistradas na temperatura do aire, a cobertura de xeo mariño e as variables hidrolóxicas a escala mundial

Récord histórico de calor en 43 municipios galegos

O 25% de todas as estacións meteorolóxicas de Galicia superaron os rexistros anteriores de temperaturas máximas

Ondas de calor extremo cada catro anos? Así será o futuro clima de Galicia

A comezos de século, os episodios de altas temperaturas só se producían nun de cada 100 anos

Galicia xa suma 63 mortes por calor en 2023: os maiores de 85 e as mulleres, os máis afectados

O cambio climático e o aumento das temperaturas, segundo os expertos, son responsables do 37% dos falecementos dos últimos 30 anos