Xoves 29 Febreiro 2024

Alerta sanitaria por toxina botulínica no atún dunha conserveira galega

Catro persoas sufriron a intoxicación, localizada nas latas comercializadas baixo a marca branca dos supermercados DIA

A Axencia Española de Seguridade Alimentaria e Nutrición (Aesan) activou unha alerta sanitaria por un brote de intoxicación alimentaria provocado por toxina botulínica detectada no atún en conserva en aceite de xirasol da marca DIA e elaborado pola conserveira galega Frinsa del Noroeste S.A., con sede na Coruña.

O brote detectouse tras enfermar catro persoas, das que tres xa foron dadas de alta, que inxeriron unha ensalada rusa caseira elaborada co citado atún. A toxina botulínica é unha neurotoxina, unha proteína producida pola bacteria denominada Clostridium botulinum.

Publicidade

A inxestión de alimentos contaminados por toxina botulínica produce botulismo, unha enfermidade que se caracteriza por alteracións vexetativas como a sequedade de boca, náuseas e vómitos, e por unha parálise muscular progresiva. É a toxina máis agudamente mortal que se coñece, cunha dose letal media en humanos (LD-50) de 1,3–2,1 ng/kg por vía intravenosa ou intramuscular e 10–13 ng/kg inhalada. Isto significa que moi poucas moléculas poden ter moi graves consecuencia para a saúde humana.

O produto afectado é unha conserva de atún en aceite de xirasol formato RO 900, da marca Dia, con lote 19/154 023 02587 elaborado en Frinsa do Noroeste S.A. con data de consumo preferente 31/12/2022.

O produto foi distribuído pola plataforma Dia a establecementos das comunidades autónomas de Asturias, Castela e León, Cataluña, Aragón, A Rioxa, Murcia, Navarra, Castela-A Mancha e Valencia, onde xa foron inmobilizados e retirados os produtos afectados.

Dos catro casos de botulismo detectados, tres dos pacientes xa foron dados de alta

Como medida de precaución retirouse o produto afectado das canles de comercialización, e as autoridades sanitarias recomendan ás persoas que teñan no seu domicilio o produto afectado por esta alerta que non o consuman.

A Aesan tivo coñecemento o pasado día 9, a través do Sistema Coordinado de Intercambio Rápido de Información (Sciri), dunha notificación feita polas autoridades sanitarias de Castela e León relativa a un brote de intoxicación alimentaria, provocado por toxina botulínica asociado ao consumo de atún en conserva coa que se elaborou unha ensalada rusa caseira.

Ese mesmo día, a Aesan activou a alerta a nivel nacional e o produto implicado na investigación foi inmobilizado. E onte, 29 de agosto, as análises practicadas no Centro Nacional de Alimentación aos produtos sospeitosos confirmaron a presenza de toxina botulínica na lata de atún consumida.

“O brote está limitado a catro casos, tres dos cales foron dados de alta, e non hai constancia de máis afectados”, aseguran dende a Aesan. De feito, este caso amosa a eficacia do sistema de alerta ante intoxicacións alimentarias, activando un protocolo que retira os produtos sospeitosos en moi pouco tempo en canto se detecta un caso.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Que efectos ten o metomilo, o pesticida atopado en sandías que provocou a alerta sanitaria

A Xunta confirma que ningún lote da froita afectada polo contaminante foi distribuído en Galicia

Alerta en Europa por un gromo de botulismo en pacientes que se trataron nunha clínica turca

A maioría dos 14 doentes sometéronse a unha operación de perda de peso a finais de febreiro nun centro sanitario de Estambul

O galego Carlos Franco, na Axencia de Seguridade Alimentaria

O catedrático da USC na Facultade de Veterinaria do Campus de Lugo renova o 5 de maio a súa presenza no órgano da Aesan, ao que se incorporou en 2019

Feiraco e USC, nun proxecto sobre cambio climático e seguridade alimentaria

Científicos composteláns e a empresa láctea toman parte na rede de investigadores pre-doutorais coa que se formárán os futuros expertos do sector