Luns 27 Maio 2024

Alerta europea por 41.000 novos casos de sarampelo

Mentres nos países menos favorecidos o sarampelo seguía causando grandes estragos, a Unión Europea estaba a piques de conseguir que esta doenza contaxiosa fose cousa do pasado. Unha enfermidade que antes da existencia de vacinas causaba máis de dous millóns e medio de mortes cada ano. Porén, o sarampelo está volvendo a infectar a nenos e maiores en Europa. Só nos primeiros meses de 2018, 41.000 persoas se contaxiaron no territorio comunitario.

E en sete países do centro e leste de Europa (Francia, Georgia, Grecia, Italia, Rusia, Serbia e Ucrania) houbo máis de 1.000 contaxios. Ucrania, con 23.000 novos casos, foi a máis afectada. E só en Serbia morreron 14 persoas.

Publicidade

Evolución dos casos de sarampelo en Europa nos últimos anos.

Nos últimos días, un novo informe da OMS destacaba que, a nivel mundial, os casos de sarampelo repuntaron un 30%. Unha das principais causas é a perda da inmunidade de grupo: é preciso que un 95% da poboación estea vacinada, xa que hai persoas que, por motivos de saúde, non poden inmunizarse, e fican a expensas de que a doenza non se transmita por parte do resto da cidadanía.

“Se non facemos esforzos urxentes para aumentar a cobertura da vacinación e identificamos as poboacións que teñen niveis baixos de inmunización, sobre todo en nenos e nenas, estamos poñendo en risco décadas de progreso para protexer á infancia contra esta enfermidade, que é devastadora, pero evitable”, sinalou Soumya Swaminathan, director adxunto de Programas da OMS.

Sarampelo en Portugal

O problema tamén tocou de preto a Galicia. O ano pasado, unha moza de 17 anos non vacinada faleceu de sarampelo en Lisboa. E en marzo deste mesmo ano, un novo brote puxo en alerta ao norte de Portugal, con máis de 50 casos. Unha situación que chegaba despois de que en setembro de 2016, a OMS e as autoridades sanitarias de Portugal declararan que o país quedaba libre do sarampelo e a rubéola.

En novembro de 2017, unha enquisa realizada polo Instituto Nacional de Saúde revelou que se perdera a inmunidade de grupo (unha cobertura maior do 95%), clave para evitar o contaxio entre as persoas que, por motivos de saúde, non poden vacinarse.

Aquí podes ler o último informe da OMS sobre o sarampelo (PDF, en inglés e francés).

Que é o sarampelo?

sarampelo é unha doenza vírica que se transmite por contacto directo ou vía aérea. Comeza infectando o tracto respiratorio e esténdese despois ao resto do organismo. O primeiro síntoma adoita ser a febre alta, que comeza uns 10-12 días despois do contacto co virus, e dura entre 4 e 7 días. Posteriormente, aparecen erupcións cutáneas, xeramente na cara e no pescozo, que se estende a outras partes do corpo. A administración da vacina permite evitar a aparición de complicacións, como a neumonía, os edemas cerebrais ou a deshidratación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Atopados os vestixios máis antigos da presenza humana en Europa nunha zona de Ucraína

As ferramentas paleolíticas achadas no xacemento de Korolevo quedaron enterradas hai 1,42 millóns de anos

Un proxecto europeo busca reducir a captura accidental de especies protexidas no Atlántico

Investigadoras do IEO liderarán un dos casos de estudo dirixido a mitigar a captura de quenllas e tiburóns nas pesqueiras de atún

África González, ante a reaparición do sarampelo: “As familias deben vacinar os seus fillos”

España rexistra os seus primeiros casos trala pandemia e dende o 1 de xaneiro suma xa 15 contaxios

O sarampelo rexorde con forza en Europa: que podemos facer?

https://theconversation.com/javascripts/lib/content_tracker_hook.js *Un artigo de As autoridades sanitarias portuguesas confirmaron un novo caso de...