A adicción aos videoxogos xa é unha enfermidade para a OMS

A Organización Mundial da Saúde (OMS) deu a coñecer esta semana a súa nova versión (CIE-11) da Clasificación Internacional de Enfermidades, que vén substituír á vixente desde 1990. Esta listaxe é o instrumento fundamental para identificar tendencias e estatísticas de saúde en todo o mundo, e contén arredor de 55.000 códigos únicos para traumatismos, enfermidades e causas de morte. Deste xeito, proporciona unha linguaxe común para os profesionais da saúde en todo o mundo. E anda tamén cos tempos. Así, nesta actualización, aparece por primeira vez a adicción aos videoxogos como un problema a ter en conta.

Así, segundo sinala a OMS na súa categoría de adicción, os trastornos de videoxogo caracterízase por un patrón de comportamentos adictivos, tanto ‘online’ como ‘offline’, manifestados polo descontrol na actividade (frecuencia, intensidade, duración, etc.); unha prioridade crecente cara os videoxogos na vida diaria, por diante doutras aficións e actividades da vida cotiá; e a persistencia na adicción aínda a costa das consecuencias negativas da mesma. Esta adicción ten consecuencias, por tanto, no eido persoal, familiar, social, educacional e laboral, entre outros aspectos.

Publicidade

Deste xeito, a dependencia dos videoxogos inclúese nunha lista na que tamén figuran problemas como a ludopatía, a drogadicción, o alcolismo ou o tabaquismo.

“A CIE permítenos comprender por que as persoas enferman e morren, e tomar medidas para previr o sufrimento e salvar vidas”, explicou nun comunicado Tedros Adhanom Ghebreyesus, director xeral da OMS. Esta nova actualización, na que se leva traballando máis dun decenio, substitúe á CIE-10, publicada hai 28 anos.

Publicidade

A transexualidade, fóra da lista de saúde mental

Nesta versión, a OMS inclúe novos capítulos; entre elas, a saúde sexual. Así, unha das novidades é a transexualidade, cualificada pola organización como “incongruencia de xénero”, e que ata o de agora estaba incluída nos problemas de saúde mental, e que agora se ubica na lista de “disfuncións sexuais”, polo que fica como unha cuestión física, a falta de adecuación do corpo ao xénero que sente a persoa.

Outra das novidades refírese aos códigos relacionados coa resistencia aos antimicrobianos, un problema crecente de saúde pública no mundo.

Non será ata maio de 2019 cando a actualización CIE-11 se presente na Asemblea Mundial da Saúde para a súa adopción polos estados membros, e entrará en vigor o 1 de xaneiro de 2022.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Europa prorroga 10 anos o glifosato, o herbicida “canceríxeno” usado masivamente en Galicia

É o produto fitosanitario máis eficaz contra as malas herbas, pero numerosos artigos científicos atribúenlle efectos nocivos na saúde das persoas

Estes son os alimentos que conteñen o edulcorante declarado “posiblemente canceríxeno” pola OMS

O aspartamo atópase en miles de produtos que consumimos habitualmente, dende a pasta dentífrica ata as píldoras para a tose

A OMS podería declarar canceríxeno o edulcorante máis usado no mundo, o aspartamo

Os expertos do organismo internacional poderían establecer límites ao uso desta substancia presente en bebidas e lambetadas

Tres de cada dez galegos respiraron en 2022 un aire moi contaminado que supera os límites legais

A totalidade da poboación de Galicia estivo exposta o ano pasado a uns niveis insalubres de contaminación, segundo un informe de Ecoloxistas en Acción