A carie dental é unha enfermidade infecciosa provocada por unhas bacterias que existen na cavidade oral. Fonte: Clínica Pardiñas.
A carie dental é unha enfermidade infecciosa provocada por unhas bacterias que existen na cavidade oral. Fonte: Clínica Pardiñas.

A carie: como previr e frear unha doenza crítica para os nosos dentes

É a primeira causa de perda de pezas dentais na infancia e a mocidade, pero pode atallarse a tempo seguindo varias pautas

Tanto nos nenos como en mozos a primeira causa de perda de dentes son as caries, mentres que no adulto, o é a enfermidade periodontal (periodontite). A carie dental é unha enfermidade infecciosa provocada por unhas bacterias que existen na cavidade oral. “Estas bacterias, no seu metabolismo, fabrican uns ácidos que son capaces de destruír o esmalte dental”, explican os especialistas da Clínica Médico Dental Pardiñas. Unha vez que penetra no esmalte o seu avance é imparable, posto que a dentina, estrutura que está debaixo do esmalte, é moito máis branda e a súa destrución máis rápida.

Se non se atalla a tempo, pode invadir a polpa (nervio) provocando a típica dor de moas. Se isto ocorre, xa sería necesario realizar unha endodoncia da peza (matar o nervio) ou a súa extracción se a destrución do dente é moi importante. A carie non doe ata que se achega “perigosamente” á polpa. O esmalte dental é a estrutura máis dura do corpo, máis que o óso. Con todo, a calidade do esmalte non é igual en todas as persoas. A xenética de cada individuo vai determinar a resistencia ao ataque das carie, sendo por tanto un factor fundamental.

O problema da carie pode afectar a outras partes do corpo. Fonte: Clínica Pardiñas.
O problema da carie pode afectar a outras partes do corpo. Fonte: Clínica Pardiñas.

A dureza do esmalte dental

Outros factores moi importantes que interveñen no desenvolvemento das carie son a existencia ou non de placa dental, o tipo de alimentación e a cantidade de flúor que se inxire. A placa dental ou bacteriana é esa materia branco-amarelada que se deposita sobre os dentes cando non se cepillan adecuadamente. Está formada por bacterias, restos celulares da boca e residuos de alimentos. Se permanece moito tempo sobre os dentes. o esmalte acabarase perforando, e máis canto máis “débil” sexa. Os alimentos que son doces e pegañentos como o chocolate, galletas, bolería, lambetadas, etc., son os ideais para engordar esas bacterias, posto que os hidratos de carbono son a base fundamental na súa alimentación. Entre os alimentos carioxénicos tamén se inclúen certas froitas e as bebidas gasosas e azucradas como os refrescos.

A prevención da carie

  1. Control da placa bacteriana cun bo cepillado, utilizando a técnica correcta, o tempo adecuado e co cepillo en boas condicións. Trátase de “varrer” a placa dunha maneira efectiva. Do mesmo xeito, as persoas predispostas deben de utilizar medios auxiliares para os espazos interdentais como fío dental, cepillos interproximais, irrigador dental etc.
  2. Utilización de flúor para tratar de aumentar a “dureza” do esmalte. O flúor é moi eficaz sobre todo cando se están formando os dentes. Normalmente, a cantidade de flúor que contén a auga corrente adoita ser suficiente.
  3. Dieta. Referímonos ao control de certo tipo de alimentos cuxo abuso fai que aumenten as carie. Os alimentos doces e pegañentos son a “gasolina ideal para os xermes responsables da carie”, en palabras do doutor Pardiñas López. O abuso destes sen o cepillado posterior aumenta a incidencia de carie.

1 comentario

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.