Venres 29 Marzo 2024

Investigadores galegos denuncian que España segue sen poñer límites ao radon

Tense falado e escrito bastante sobre o risco de exposición ao gas radon, a segunda causa de cancro de pulmón en Galicia, só por detrás do tabaco. O Laboratorio de Radon de Galicia, adscrito á USC, elaborou o ano pasado o primeiro mapa do radon en Galicia, no que se puxo de manifesto a elevada concentración de radon interior atopada en amplas zonas do país. En febreiro de 2018 entrará en vigor a directiva europea que obriga aos estados membros a lexislar para evitar a exposición dos cidadáns ás elevadas concentracións deste gas, pero en España aínda non existe ningunha normativa en vigor.

Ante esta situación, un equipo de científicos da USC, encabezados polo profesor Alberto Ruano Raviña, acaban de publicar un editorial na revista European Respiratory Journal, a máis destacada no ámbito europeo das enfermidades respiratorias, nas que cualifican de “rechamantes” as diferenzas entre distintas administracións nos niveis admisibles de radon.

Publicidade

As evidencias recomendan baixar o nivel recomendable que a UE establece

No texto advirten que algúns países, como é o caso de España, “aínda non teñen un nivel de acción nin regulación acerca da protección contra o radon nas novas construccións“. E onde si hai niveis, as diferenzas son notables: desde os 100 Becquerelios/metro cúbico que establece a OMS e os 148 dos Estados Unidos, ata os 300 da Unión Europea, pasando polos 200 que marca a lexislación irlandesa, canadiana ou británica.

Non en tanto, como sinala Ruano, o uso de diferentes niveis provoca diferenzas no risco de padecer cancro de pulmón. “Por exemplo, o risco dos estadounidenses vén sendo a metade que o dos europeos” no referente ao radon. E as evidencias recomendan baixar o nivel de 300 Bq/m3 que establece a normativa europea. “incluso entre as persoas que nunca fumaron, o radon residencial duplica o risco de cancro de pulmón nas persoas expostas a niveis superiores a 200 Bq/m3 en comparación cos expostos a niveis inferiores a 100. Este risco está moi por baixo do nivel de 300 proposto pola nova directiva europea”, sinala o editorial.

O Laboratorio de Radon de Galicia é recoñecido internacionalmente polas súas publicacións e pola participación no Manual da Organización Mundial da Saúde sobre o radon interior.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.