Vigo acollerá o I Congreso Internacional de Comunidades Atlánticas
O océano Atlántico desempeñou historicamente un papel importante na relación entre o vello e o novo mundo, exercendo de división cultural e xeográfica entre os dous continentes, pero tamén como espazo de tránsito, mobilidade e hospitalidade. Esta é a idea sobre a que se asenta o I Congreso Internacional de Comunidades Atlánticas que, coorganizado por investigadores de Vigo, Oporto e Belfast baixo o título Translation, mobility, hospitality, reunirá a vindeira semana en Vigo un destacado número de especialistas no campo das humanidades e as ciencias sociais para intercambiar ideas en torno ao tema do océano Atlántico como espazo de tránsito de ideas e intercambio socio cultural.
