Venres 29 Marzo 2024

A USC e a Confederación Miño-Sil avanzan na loita contra a praga do ameneiro

A loita contra a praga dos ameneiros causada polo fungo Phytopthora Alni e o control da presenza de cianobacterias en encoros, lagos e lagoas de auga doce centran dúas liñas de investigación nas que colaborarán diversos equipos de investigación do Campus Terra da USC coa Confederación Hidrográfica Miño Sil, tal e como se puxo de manifesto este venres no marco dunha reunión de traballo celebrada na Subdelegación do Goberno en Lugo, na que participaron, entre outros, o presidente da CHMS, Francisco Marín, e o vicerreitor de Coordinación do campus de Lugo, Javier Bueno.

Esta xuntanza de traballo, da que actuou como anfitrión o subdelegado do Goberno en Lugo, Ramón Carballo, e na que tamén interviñeron o director da Escola Politécnica Superior da USC, Tomás Cuesta, así como un grupo de investigadores da sede universitaria luguesa relacionados coas áreas de Sanidade Vexetal, Xenética Forestal e Farmacoloxía, serviu tamén para que a CHMN trasladara a súa pretensión de desenvolver un proxecto experimental orientado á depuración de augas residuais procedentes de adegas a través de filtros verdes de plantacións de castaño.

Publicidade

 

Así, respecto do control e posible erradicación da praga dos alisos, cuxos efectos devastadores se aprecian especialmente nas áreas de ribeira da Terra Chá, Bueno lembrou o traballo xa desenvolvido polo Instituto de Biodiversidade Agraria e Desenvolvemento Rural (Ibader) para a identificación e localización das áreas máis afectadas por este fungo, ao tempo que se mostrou optimista de cara a que as novas achegas feitas polos investigadores do Campus Terra da USC complementen os traballos que xa se están a realizar na actualidade con Tragsa e permitan a curto ou medio prazo erradicar esta praga e, a ser posible, permitan a conservación e, non seu caso, a rexeneración de todo o material vexetal afectado.

A posible contribución do Campus Terra da USC coa Confederación Hidrográfica Miño Sil para evitar a concentración excesiva de cianobacterias en encoros ou lagos de auga doce xurdiu a iniciativa propia, sinalou Bueno, quen precisou que tal ofrecemento saíu do catedrático da área de Farmacoloxía da USC Luis Miguel Botana, cuxo grupo de investigación está a piques de patentar un procedemento tecnolóxico para erradicar cianobacterias, cuxa concentración alta resulta tóxica.

A depuración de augas residuais a través de filtros verdes de plantacións forestais é outro dos ámbitos no que os investigadores do Campus Terra da USC xa contan con certa experiencia, segundo relatou Javier Bueno. O vicerreitor de Coordinación do campus lugués agradeceu neste senso á CHMN que favorecera o contacto entre a cooperativa vinícola de Chantada interesada neste proxecto que se desenvolverá nun souto cunha superficie aproximada de 140 hectáreas, e que tamén permitirá aos técnicos da CHMN facer un seguimento, estudo hidrolóxico e da posible afección a augas e solos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Atopado o talón de Aquiles da rata toupa, a praga que azouta a montaña luguesa

O estudo do órgano vomeronasal deste mamífero subterráneo avala o uso de químicos para diminuír a súa poboación e frear o seu impacto na agricultura

Os cubículos e corredores reducidos nas granxas de Lugo afectan a produción de leite

A tese de Sonia Verdes Gil conclúe que as superficies incómodas prexudican a saúde e a hixiene das vacas

A USC investiga novos produtos naturais para loitar contra a avespiña do castiñeiro

Un equipo de Lugo traballa no proxecto 'Go Delicias' co obxectivo de identificar e desenvolver as defensas da árbore fronte ao insecto