Unha tese da USC revela que empregar mitoloxía clásica fai máis persuasiva a publicidade
Os fenómenos de remitoloxización e ficcionalidade redundan nunha maior forza persuasiva do discurso publicitario, xa que como mecanismos de radicación antropolóxica que son, serven para satisfacer as necesidades expresivas e as aspiracións de plenitude do ser humano, segundo subliña a investigadora da USC María Grandío Montes na súa tese de doutoramento, dirixida por María Ángeles Rodríguez Fontela e Darío Villanueva.
Na súa investigación de doutoramento, desenvolvida baixo o título ‘Ficción literaria e ficción publicitaria. Un estudo comparado do mito de Prometeo’, esta filóloga luguesa analiza a emerxencia de compoñentes temáticos de natureza mítica e o funcionamento de mecanismos propiamente literarios, como é o caso da ficción, na publicidade. A mitoloxía axuda á persuasión cara o consumo, que é o obxecto último do discurso publicitario, sinala Grandío Montes.
Máis información no seguinte enlace: