Xoves 23 Maio 2024

O documental ‘Queimar o monte’ analiza as causas dos incendios forestais en Galicia

A análise da casuística dos incendios forestais en Galicia centrará este martes unha xornada de análise e debate no salón de actos da Facultade de Humanidades do campus de Lugo, onde se proxectará, a partir das 16.00 horas, o documental ‘Queimar o monte’.

Unha vez rematada a visualización deste filme, producido por Uxía Buciños e Emilio Fonseca, terá lugar un debate sobre a temática dos incendios forestais no que intervirán como relatores o axente medioambiental José Vázquez Vázquez, o profesor do Departamento de Produción Vexetal da USC Manuel Antonio Rodríguez Guitián e Miguel Pardellas Santiago, coordinador do proxecto Batefogo.

Publicidade

Estas actividades de carácter informativo e tamén de sensibilización, organizadas polo grupo de innovación docente Ruralia en colaboración co Centro de Linguas Modernas da USC e a área de Cultura da Deputación Provincial de Lugo, son de entrada libre e gratuíta para todas as persoas interesadas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cambio climático e incendios: as principais ameazas das bolboretas en Galicia

As especies comúns están a salvo a curto prazo, mais os factores antrópicos supoñen un perigo para a preservación destes artrópodos

O mapa da masa forestal mundial: Galicia perdeu o 34% de cobertura arbórea dende o ano 2000

A aplicación Global Forest Watch retrata en tempo real como están mudando as paisaxes naturais en todo o mundo

Unha obra no río Miño afecta a dúas especies vulnerables e pon en alerta os ecoloxistas

A restauración dun caneiro en Acea de Olga, na cidade de Lugo, obriga a trasladar a dúas poboacións de bivalvos ameazadas

Cales foron as causas da seca que precedeu aos incendios de Australia? Un equipo de Ourense ten a clave

A investigadora Milica Stojanovic, do grupo EphysLab da UVigo, centrou o seu traballo en analizar as fontes de humidade da zona