Martes 5 Marzo 2024

Sofía e Mateo repiten como nomes máis comúns dos nacidos en Galicia

O Instituto Galego de Estatística actualiza a súa listaxe de antropónimos máis frecuentes entre os neonatos de 2021

Mateo e Sofía manteñen un liderado incuestionable: volven ser os máis comúns entre os nacidos en Galicia en 2021. Xa capitanearon o podio en 2020, 2019 e 2018. É dicir, o dobrete de antropónimos leva encabezando a lista catro anos consecutivos. Así o confirma o Instituto Galego de Estatística (IGE), que acaba de publicar a actualización da súa Estatística de nomes dos neonatos galegos. O 6% dos nacidos en 2021 chámanse Mateo ou Sofía, con moi poucos cambios respecto a anos anteriores.

De feito, a listaxe dos nomes de nenas é a que introduce menos variacións nos primeiros postos. Máis en concreto, ningún en comparación con 2020. Os cinco antropónimos máis frecuentes seguen sendo Sofía, Noa, Martina, Lara e Valeria, por esa orde. Os cambios, aínda que moi pouco evidentes, déixanse notar na listaxe de nomes de nenos. En 2021 os primeiros postos lévanos Mateo, Martín, Hugo, Leo e Lucas. En relación ao ano anterior, Lucas perdeu dous postos: en 2020 era terceiro e agora sitúase no quinto lugar. En cambio, Hugo subiu do cuarto ao terceiro posto e Leo, do quinto ao cuarto.

Publicidade

No que respecta aos 20 nomes máis frecuentes xa se rexistran cambios máis significativos. Continuando coa listaxe de nomes de nenos, en 2021 aparecen Roi, Luca, Bruno e Alejandro. Pola contra, baixan postos Iago, Anxo, Mario e Adrián. Os cambios son menos significativos na lista das rapazas, que de novo volve ser máis estática. Nos 20 máis frecuentes de 2021 aparecen Emma e Lola e, pola contra, saen Alma e Uxía.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cal é o nome máis común no teu concello? Compróbao nesta aplicación

O Instituto Galego de Estatística crea unha ferramenta en liña que tamén permite consultar a distribución municipal dos apelidos

Canto sabes do teu concello? Compróbao neste test

O Instituto Galego de Estatística (IGE) vén de publicar unha ferramenta online para poñer a proba os teus coñecementos

Ferrol e Ourense, as cidades máis envellecidas de Galicia

A idade media do galego é de 48 anos, e por cada 100 persoas menores de 20 hai aproximadamente 168 de máis de 65

Cales eran os nomes máis frecuentes na túa década? Descúbreos con esta ferramenta

Os Mateos e Sofías predominan en Galicia, pero Manuel e María dominaron case todo o século pasado