Este vernes celébrase a segunda sesión do ciclo de conferencias forestais organizadas pola Escola Politécnica Superior (EPS) do Campus Terra da USC. Centraránse na sanidade vexetal, a súa regulación e a problemática asociada.
A charla será moderada pola profesora Cristina Cabaleiro Sobrino e terá lugar na sala de xuntas do centro universitario lugués a partir das 12:00 horas.
Os relatores que participarán neste foro serán o enxeñeiro forestal do Servizo de Montes de Pontevedra, Agustín Blond Arredondo, o enxeñeiro agrónomo e responsable de medio ambiente e regulamentación do grupo empresarial Agroamb, Alberto Amador García, e a profesora do Departamento de Produción Vexetal de Proxectos de Enxeñaría da USC na EPS María José Lombardero Díaz. Ao finalizar, dará comezo un debate aberto no que o público poderá realizar as preguntas que considere.
