A 28 edición do Congreso Internacional da Sociedade Española de Estudos Renacentistas Ingleses (SEDERI) estase a celebrar na cidade galega de Pontevedra dende o mércores no Teatro Principal e a Casa das Campás. O eixe central son “as pontes transculturais” como sinala o profesor e responsable do comité organizador, Jorge Figueroa.
Preto de 40 especialistas de España, Portugal, Inglaterra, Estados Unidos, Gales, Alemaña, Italia e Polonia reflexionan, entre outros, sobre a adaptación de obras literarias de autores renacentistas ingleses no teatro ou no cine, a influencia de obras españolas en textos ingleses, a literatura de viaxes ou a representación do espazo urbano e do mar na literatura dos séculos XVI e XVII.
Transcultural Bridges: Seas, Towns and Text in Early Modern England, é o título do congreso no que as ideas principais que se desenvolven son a “transculturalidade e trantextualidade”, unhas temáticas que, “sen dúbida, son de grande interese para coñecer mellor e reinterpretar a cultura inglesa do período moderno temperán”, como di o profesor.
No acto inagural, a presidenta da SEDERI, Clara Calvo, sinalou que “Galicia Galicia ten un vínculo especial coa historia e a cultura transatlánticas”, lembrando a “longa historia de emigración” dos galegos “que saben como os océanos poden converterse en pontes”.
