Xoves 28 Marzo 2024

O investigador da UDC Pablo Montero recolle en Nova York o Premio ao Mellor Doutorando

O investigador predoutoral da Universidade da Coruña Pablo Montero, pertencente ao grupo de investigación Modelización, Optimización e Interferencia Estatística, MODES, que coordina o catedrático Ricardo Cao, recollerá o vindeiro 10 de decembro en Nova York o segundo premio absoluto, xunto cun equipo da Monash University coa que participou, e o Uber Student Prize (primeiro premio ao mellor estudante de doutoramento) na competición internacional M4 sobre predición.

A entrega dos premios terá lugar no trascurso da M4 Conference que organizan en Nova York a University of Nicosia e a NYU Tandon School of Engineering. O programa inclúe a presenza de destacados oradores das principais compañías do mundo de software e tecnoloxía, como Google, Microsoft, Amazon, Uber e SAS, así como académicos de universidades do máximo nivel nunha xornada en que se discutirán os últimos avances en métodos de predición (forecasting).

Publicidade

A competición M4 na que participou o investigador da UDC está aberta a profesionais e investigadores de todo o mundo. O obxectivo é facer predicións dos valores futuros de 100.000 series temporais facilitadas pola organización procedentes de áreas de finanzas, macro e microeconomía, industria e datos demográficos. Os participantes envían as súas predicións e a organización, que dispón dos valores futuros reais das series, determina cales son os mellores participantes dunha maneira obxectiva, medindo o que se desvían as súas predicións da realidade mediante unha fórmula matemática.

Nesta edición, segundo explica Pablo Montero, fíxose especial fincapé na reproducibilidade científica dos resultados, isto é que os métodos que participaron fixéronse públicos para que tanto o mundo académico como a industria se poidan beneficiar dos últimos avances na área.

Participaron equipos de 17 nacionalidades distintas, tanto individuais como grandes empresas e universidades como a Universidade da Coruña, Bath ou Oxford. Pablo Montero competiu cun equipo formado por membros da Universidade de Monash, en Melbourne, Australia: a estudante de doutoramento Thiyanga Talagala e os profesores desta universidade George Athanasopoulos e Rob Hyndman. O traballo desenvolveuse durante a estadía de investigación de Montero en Melbourne. O método proposto por este equipo Monash-UDC acadou o segundo premio na categoría absoluta medindo a precisión das predicións. Pola súa parte, Montero conseguiu o premio ao Mellor Estudante de Doutoramento, patrocinado pola empresa Uber, por ser o mellor método proposto por un estudante.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia

A Academia de Ciencias premia un estudo galego que foi portada da prestixiosa revista ‘Science’

O outro proxecto galardoado, tamén da USC, é un sistema de recuperación de información capaz de proporcionar resultados correctos e cribles