Sábado 20 Xullo 2024

A propulsión do polbo

O  Grupo de Ecoloxía e Bioiversidade Mariña do Instituto de Investigacións Mariñas (CSIC) está a levar a cabo un proxecto no Parque Nacional das Illas Atlánticas de Galicia que ten por obxectivo determinar as zonas de preferencia para a reprodución de polbo, co fin de intentar crear Áreas Mariñas Protexidas. Para iso realizáronse ata o momento 94 censos visuais con equipo de mergullo autónomo no perímetro das illas Cíes, a profundidades comprendidas entre 5 e 35 metros.

Nesta fotografía do investigador Jorge Hernández Urcera aparece un exemplar adulto de polbo que se desprazaba por unha zona catalogada como preferencial para a reprodución, a uns 25 metros de profundidade. A fotografía está tomada xusto antes da propulsión. Como a maioría de cefalópodos, o polbo nada por propulsión a chorro, expulsando auga a presión dende a súa cavidade paleal. A auga entra nela polo bordo do manto, e apertándose este con forza arredor da cabeza, xunto coa existencia dunhas estruturas cartilaxinosas ou botóns de peche, fan que a auga se vexa forzada a saír a través do funiltubular ventral. Este funil é moi móbil, de forma que dirixíndoo cara á parte anterior ou posterior, o animal pode moverse en ambas as dúas direccións. De todos os xeitos, cando vai avanzando lentamente polo fondo, utiliza os seus brazos suxeitándose ás rochas coas ventosas.

Publicidade

Para ver as fotos, en INVESTIGARTE

Noraboa a Jorge Hernández Urcera pola súa foto e a todos os que convocan InvestigArte: Fundación Barrié, Campus Vida da USC, Universidade de Santiago, IDIS e Fundación Ramón Domínguez.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O CSIC localiza na provincia da Coruña 180 posibles sitios arqueolóxicos

Grazas ás tarefas do Instituto de Ciencias do Patrimonio (INCIPIT), estes achados serán incluídos eventualmente no inventario arqueolóxico de Galicia

Pequenas modificacións químicas permiten inverter o xiro na secuencia do ADN

Unha investigación sobre o comportamento da molécula da vida podería axudar a entender a resposta das células canceríxenas ante o sistema inmune

Descubertas novas pinturas prehistóricas en Carballeda de Valdeorras

O conxunto está formado por tres formas de soles e unha posible silueta humana e podería estar datado na Idade do Bronce

Un mapa do ministerio contabiliza ata 5.400 verteduras legais nas augas galegas

Nas demarcacións hidrográficas de Galicia-Costa e Miño-Sil hai 4.088 puntos de orixe urbana e 1.304 que proveñen da industria