Luns 4 Marzo 2024

Un seminario en Santiago analizará os últimos 25 anos da estatística en Galicia

Desde que a finais dos anos 80 se organizaran na USC distintos seminarios locais de Inferencia non Paramétrica liderados polo profesor Wenceslao González Manteiga, a evolución metodolóxica da estatística co entorno de aplicacións aos distintos ámbitos (ciencias da saúde, finanzas, enerxía ou computación) foi moi frutífera.

Máis adiante, estes seminarios, xa de calado internacional, tiveron lugar nas tres universidades galegas organizados por doutores en Estatística que se formaron baixo a dirección ou co dirección do profesor González, e que destacan con desenvolvementos notables de transferencia da metodoloxía ao sector produtivo.

Publicidade

Con motivo do 60 aniversario do profesor Wenceslao González, director ata a actualidade de 30 teses doutorais, o Departamento de Estatística e Investigación Operativa da USC organiza este mércores 8 e o xoves 9 un seminario no que se mostrarán os avances que se deron ao longo destes anos nos diferentes grupos de investigación de estatística en Galicia, que se complementarán cos de investigadores de fóra que colaboraron activamente cos galegos.

O encontro dará comezo ás 9.00 horas na Escola Técnica Superior de Enxeñaría nun acto ao que lle seguirán diversos relatorios sobre a materia nos que participarán, entre outros, o catedrático emérito da Universidade de Zaragoza José Antonio Cristóbal; o catedrático da Carlos III de Madrid Miguel Ángel Delgado; o catedrático da Universidade da República (Uruguai) Ricardo Fraiman; e o profesor Winfried Stute, da Justus-Liebig-Universität. 

Intervirán ademais os profesores da UDC Juan Vilar, Ricardo Cao e María José Lombardía; os da USC Carmen María Cadarso, Manuel Febrero e Rosa Crujeiras; e os da Universidade de Vigo Jacobo de Uña, Juan Carlos Pardo, Eduardo García, todos e todas discípulos do profesor González Manteiga.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un proxecto galego impulsa a sustentabilidade do sistema alimentario a través da IA

O proxecto no que participan USC e UVigo acometerá a crise do sector co apoio do Programa Marco ‘Horizonte Europa’

As mulleres protagonizaron anuncios de banca antes de poder abrir libretas de aforro por si soas

Un estudo da USC analiza os roles femininos nas ilustracións e fotografías utilizadas na publicidade bancaria entre 1949 e 1970 en España

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC
00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural