O observatorio de Santiago confirma os meses de xullo e agosto como os máis secos en 35 anos

O bimestre xullo-agosto que acaba de rematar foi o máis seco na contorna de Compostela dos últimos 35 anos segundo os datos recabados polo Observatorio Astronómico Ramón María Aller (OARMA) que dirixe o profesor José Ángel Docobo.

O Observatorio universitario ten que remitirse ao ano 1981 para atopar unha medición inferior á deste ano, que foi en total de 13,8 litros por metro cadrado (1,2 no único día que choveu en xullo e 12,6 litros dos sete de agosto). Naquel bimestre estival o seu pluviómetro rexistrara precipitación cero.

Publicidade

Docobo lembra ademais os anos 1969 (3,1 l/m2 nese bimestre) e 1978 (8,2 l/m2), ano este último no que a seca se estendera tamén aos meses de xuño e setembro. Xa máis recentemente son salientables as baixas precipitacións no bimestre estudado dos anos 2010 (25,2 l/m2) e 2002 (27,2 /m2).

Polo que respecta a insolación, tamén os meses de xullo e agosto deste anos resultan ser os máis soleados deste comezo de século. “Entre os dous suman un total de 653 horas, cando a media das horas medidas polos heliógrafos do OARMA no conxunto destes dous meses é de 500 horas”.

Non hai que remontarse a moi lonxe para atopar o ano que rexistrou maiores precipitacións. Foi en 2004 cando a choiva caída en Compostela estivo a piques de chegar aos 300 l/m2. O ano 1971 foi tamén moi chuvioso (276,8 l/m2); e séguelle 1983 (132 l/m2), co bimestre estival co maior número de días con precipitación: 45 dos 62.

No que vai de 2016 rexistráronse na capital de Galicia 1450 litros/m2, a meirande parte deles (1400) entre xaneiro e maio. A media anual dos últimos 30 anos sitúase en 1840 l/m2.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un asteroide chamado Compostela: Galicia suma unha nova cidade ao Sistema Solar

O corpo celeste foi descuberto en 2017 por dous astrónomos dende Letonia e está situado entre as órbitas de Marte e Xúpiter

Os mapas da xentrificación en Galicia: estes son os barrios máis afectados

Un novo estudo identifica as áreas máis vulnerables en Vigo, A Coruña e Santiago e describe a reconfiguración das tres urbes nun período de seis anos

O outono comeza este mércores ás 2.05 horas despois dun verán de temperaturas récord

A terceira estación do ano vaise estender ata o 21 de decembro ás 21.50 horas

Conta atrás para a eclipse parcial de Lúa: por que se tinguirá de vermello e cando acadará o seu máximo

O fenómeno comezará ás 4.34 horas e rematará ás 9.01, sen que se precisen lentes especiais para a súa observación