O ano máis seco en Compostela en 30 anos?

Que o ano 2015 en Compostela se converta no menos chuvioso dos, como mínimo, últimos 30 anos dependerá de que en decembro se cumpran ou non as estatísticas, segundo as cales nese mes se rexistran de media 256 l/m2.
Os rexistros meteorolóxicos do Observatorio Astronómico Ramón María Aller das últimas tres décadas  amosan que en 2015 caeron ata agora na cidade un total de 1.096,3 l/m2, un dato que comparado cos 1.279,8 de 1990 –o ano máis seco– advirte que faltan só 183,5 l/m2 para superar a cifra de hai 25 anos.
O 40% da precipitación anual adoita concentrarse no tres últimos meses do ano, “o que non semella ser, de momento, o caso de 2015, xa que desde o primeiro de outubro se contabilizaron só, ata o 20 de novembro, un total de 249 l/m2”. Iso si, advirte o seu director José Ángel Docobo, “falta todo o mes de decembro, así que haberá que agardar para dicir se é este ano un dos máis secos en Compostela”.
Máis información no seguinte enlace: