O Instituto Xeográfico Nacional rexistrou hoxe un terremoto na localidade ourensá de Laza, cunha magnitude de 3,1 graos na escala de Richter. O movemento sísmico foi anotado polos sismógrafos ás 13.54 horas, con epicentro nas aforas desta vila ourensá e cunha profundidade de 12 quilómetros.
Un sismo desta magnitude non causa danos polo xeral e non é doado de ser sentido polas persoas. Sen embargo, o Instituto Xeográfico Nacional apúntao coa categoría de ‘significativo‘.
Nas últimas semanas, Galicia rexistrou varios pequenos sismos anotados polo IGN, un deles un día antes do de Laza, o luns 22 de maio, con epicentro no oceáno Atlántico, diante da costa galega, cunha magnitude de 2 na escala de Richter. A pasada semana, houbo outro movemento sísmico preto de Forcarei, cunha magnitude de 2,4.
