A innovación no mundo rural saca peito en Lalín

O mundo rural do periodo postcuota láctea, perda de servizos e sangría poboacional tamén ten cousas que dicir respecto á innovación. Así o entende a Rede ReVOLTA de Agroecoloxía e Historia, composta por varios grupos de investigación das universidades galegas, que este venres 13 de novembro celebra en Lalín o encontro Rural Imaxinado,  un encontro no que se dan cita experiencias económicas, educativas e científicas nacidas para ou dende a aldea.
O programa aborda aspectos moi diversos, como a evolución da Indicación Xeográfica Protexida da castaña de Galicia, a innovación no rural dende a perspectiva da iniciativa privada ou a prevención de lumes a través dun proxecto de intervención social, entre moitos outros.
Máis información no seguinte enlace: