Hortensia é un nome borrasca ben recordado en Galicia. Aquel ciclón chegou a Galicia en outubro de 1984 deixando unha forte pegada de destrozos por todo o país. Agora volve visitarnos a súa homónima Hortense, que non se prevé tan forte como a súa predecesora, pero que chega con avisos amarelos e laranxas por fortes choivas e ventos por riba dos 80 km/h.
A sucesiva entrada dun tren de borrascas será unha constante nos vindeiros dez días, segundo as previsións de Meteogalicia e da Axencia Española de Meteoroloxía. Os ceos estarán nubrados con chuvias, ocasionalmente de forte intensidade e poderán ter carácter treboento. As temperaturas non experimentarán cambios significativos. O vento soprará forte do suroeste, con refachos moi fortes en toda a franxa costeira e zonas altas.
A #BorrascaGaetan sitúase ao norte de Madeira, aproximadamente á mesma latitude de Fisterra. Ademais do seu núcleo podemos ver as súas frontes asociadas en cores azuis: unha que está a piques de entrar en #Galicia con chuvia intensa esta noite e unha segunda para mañán pola mañán pic.twitter.com/e9Y7O7diid
— MeteoGalicia (@MeteoGalicia) January 19, 2021
Este mércores os ventos e as chuvias máis intensas tiveron lugar durante a madrugada, pero os efectos de Gaetan seguirán a notarse aínda durante o día. O xoves unha nova baixa secundaria pasará moi preto de Galicia, deixando unha nova xornada de fortes ventos. E o venres un centro de baixas presións achegarase de novo a Galicia deixando fortes ventos e intensas chuvias nas primeiras horas da xornada.
Aquí podes consultar o boletín de avisos por borrasca de Meteogalicia
