A incidencia da pandemia segue a remitir en Galicia, cun novo descenso no número de casos activos. A Consellería de Sanidade informa que, na última actualización, o número de casos activos de coronavirus en Galicia é de 920, deles 225 son da área da Coruña, 60 da de Lugo, 141 da de Ourense, 40 da de Pontevedra, 265 da área de Vigo, 161 da de Santiago, e 28 da de Ferrol.
Do total de pacientes positivos, 12 permanecen en UCI, 72 están en unidades de hospitalización e 836 no domicilio. Polo de agora, en Galicia hai un total de 9.607 persoas curadas.
En total, rexistrarónse 610 falecementos. O último deles corresponde a unha muller de 65 anos que estaba ingresada no CHUS de Santiago de Compostela e presentaba patoloxía previas.
Respecto a a situación das residencias, aínda hai 190 casos activos, cen deles usuarios e 90 traballadores. Do total de falecidos por coronavirus en Galicia, 271 son residentes destes centros.
Segundo os datos ofrecidos polo Ministerio de Sanidade, se informa de 7 novos enfermos confirmados por PCR en Galicia, tres menos que onte, cando se rexistraron 10 casos novos, o cal fai un total de 9.084 casos diagnosticados por esta proba desde o inicio da pandemia.
Aquí podes consultar os últimos datos ofrecidos polo Ministerio de Sanidade
