Sábado 13 Xullo 2024

A 20ºC de madrugada en febreiro: Galicia bate récords de temperatura

O norte de Galicia rexistra noites case tropicais, e A Coruña, Santiago, Vigo e Lugo baten os récords de mínima máis alta en febreiro desde que hai datos

Esta madrugada, na estación de Pedro Murias, en Ribadeo, o termómetro acadou valores máis altos ca en moitas noites do fresco verán da Mariña de Lugo. Cando xa pasaba da 1 da mañá, e mesmo máis tarde, contra as 5 horas do luns, superáronse os 20ºC en varios puntos do norte de Lugo. Os servizos de meteoroloxía, tanto Aemet como MeteoGalicia, destacaron a singularidade do episodio: a influencia anticiclónica vén acompañada de ventos do sur, máis cálidos, que elevan os termómetros ata rexistros moi pouco habituais, mesmo con récords absolutos desde que se toman datos en varias estacións.

É o caso da cidade da Coruña e as estacións da rede da Aemet nos aeroportos de Alvedro, Lavacolla (Santiago) e Peinador (Vigo), ademais do aeródromo de Rozas (Lugo). Nunca as mínimas foron tan altas como este domingo nos últimos 40 anos.

Publicidade

Récords rexistrados este domingo na rede da Aemet en Galicia. Fonte: aemet.es.
Récords rexistrados este domingo na rede da Aemet en Galicia. Fonte: aemet.es.

Uns valores anormalmente altos que se albiscan tamén no mapa da anomalía de temperatura difundido pola Aemet a través das redes. En zonas de Lugo e Ourense, o momento no que fixo máis frío estivo máis de 10ºC por riba do normal para a época do ano.

Nalgunhas destas estacións, sobre todo nas máis altas, foron salientables os rexistros máximos xa acadados este luns de madrugada. En zonas como Navia de Suarna, Cervantes  ou a serra do Xurés non baixaron dos 10ºC.

Publicidade

En moitos puntos de Galicia subirán dos 20ºC nesta xornada (agárdanse ata 25ºC en Ourense), e as mínimas non baixarán dos 15ºC na Coruña ou Ferrol. A previsión é que para o martes se produza un lixeiro descenso das temperaturas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un modelo prognostica unha onda de calor extrema na península: afectará a Galicia?

A AEMET prevé que se acaden os 37 graos en Verín e noutros puntos do interior de Ourense, mentres as Rías Baixas superarán os 30

Unha dorsal subtropical elevará os termómetros ata os 33 graos no sur de Galicia

O tempo estable manterase durante toda a semana, pero con temperaturas que non superarán os 22 graos na Coruña

O sur da provincia de Lugo rexistra máis de 400 raios en apenas 12 horas

Meteogalicia volve activar o aviso amarelo este mércores por treboadas en Ourense, así como no sur e na montaña lucense

Estes son os sitios de Galicia onde haberá treboadas este mércores

A DINA prognosticada pola Axencia Estatal de Metereoloxía afectará principalmente o interior da provincia de Lugo con fortes treboadas