Baixa a cifra de falecementos por Covid-19 en España nas últimas 24 horas. España rexistrou 674 novos mortos nun día, 135 menos que onte. Trátase do menor número de vítimas en nove días e tamén a primeira vez nese período por baixo de 800 decesos. O total de falecidos elévase a 12.418, segundo informou este domingo o Ministerio de Sanidade. Os contagios soben ata 130.759, con 6.023 novos infectados nas últimas 24 horas. 58.744 persoas necesitaron hospitalización e 38.080 foron dadas de alta.
Italia rexistrou nas últimas 24 horas 681 mortos (15.362 en total), a menor cifra en nove días. 124.632 persoas contaxiáronse nese país, que por primeira vez desde o inicio da pandemia logrou rebaixar os pacientes nas UCI: hai 3.994 cando o día anterior eran 4.068.
No mundo, 1,2 millóns de persoas contaxiáronse, máis de 64.700 morreron e 246.000 curáronse, segundo a Universidade Johns Hopkins.
O Goberno francés informou de que o país xa suma polo menos 7.560 decesos e máis de 28.000 persoas seguen hospitalizadas.
Xa faleceron máis de 60.000 persoas no mundo pola pandemia
Alemaña pasou dos 90.000 contagios de coronavirus en todo o país tras rexistrar 5.936 novos casos diarios, case 200 menos que os constatados onte, mentres que a cifra de mortos alcanza xa os 1.342, 194 máis que o sábado, segundo os datos publicados por Instituto Robert Koch (RKI), a axencia gobernamental alemá responsable do seguimento de enfermidades infecciosas.
Cun total de 91.714 casos, Alemaña é xa o cuarto país a nivel mundial en número de contaxios, por detrás de Estados Unidos, España e Italia.
En Marrocos, o rei Mohamed VI concedeu o indulto a un total de 5.654 presos do país por motivos humanitarios e para evitar a propagación do novo coronavirus, segundo informou o Ministerio de Xustiza do país. Segundo o último balance do Ministerio de Saúde marroquí, tense constancia de 919 casos de coronavirus e dun total de 59 falecidos pola enfermidade.
A pandemia de coronavirus está a asañarse con Nova York, epicentro de tantas cousas en Estados Unidos, e tamén deste virus. O paciente cero da cidade detectouse o 1 de marzo e este venres superábanse os 1.800 mortos e os 57.159 contagios confirmados, case o dobre que a semana pasada, un de cada catro en todo o país.
Brasil rexistrou 1.222 casos novos de coronavirus nun só día, polo que o número de contagios superou os 10.000, mentres que confirmou 73 mortes máis, unha cifra que ascende ata os 432, segundo os últimos datos ofrecidos este sábado polo Ministerio de Saúde.
A metade dos concellos galegos confirmaron algún caso de coronavirus
O organismo indicou que o número de casos positivos de Covid-19 alcanzou os 10.278 e Brasil consolídase como o país latinoamericano máis afectado actualmente pola pandemia.
A pandemia pode deixar tamén gravísimas consecuencias sociais e economómicas en América latina. A Comisión Económica para América e o Caribe calcula que o número de latinoamericanos en pobreza extrema pasaría dos 67,5 millóns actuais a 82 millóns, cifra que se podería disparar ata os 90 millóns de persoas.
Aquí podes consultar os últimos datos do Ministerio de Sanidade
