Os positivos medraron en España en 24 horas con 5.252 casos nuevos, un 2,8% más, polo aumento dos tests. Nos vindeiros días, a xeralización das probas PCR poden disparar os datos de positivos en España. “Durante uns días, temos que ir corrixindo as cifras pola introdución das probas serolóxicas”, explicou Fernando Simón, o Director do Centro de Emerxencias Sanitarias. Nas UCI redúcese o número de ingresados a un 1,5% de incremento. Os falecidos pasaron dun 38% de incremento a un 3% esta semana.
En total, houbo 585 novas mortes por coronavirus en España nas últimas 24 horas, aínda que o Goberno unificou os criterios para contar os falecidos, algo que provocará fortes cambios nas cifras nos vindeiros días.
O incremento de contaxios mantense no 3 por cento e a letalidade, nun elevadísimo 10,5%, que os expertos atribúen á falta de probas para detectar á poboación infectada.
“O impacto real non o saberemos ata que pase a epidemia. Necesitamos datos estables para interpretar as tendencias. Isto interésanos de forma prioritaria. Se os datos teñen demasiadas distorsións, é difícil tomar decisións”, explicou Fernando Simón: “Temos que readaptar os datos á nova situación, con novo test e comunidades que recollen datos de defuncións non confirmadas. Temos que reunir esta información sen artefacto. Imos tardar 2-3 días, estamos a traballar coas comunidades”.
A epidemia por coronavirus cobrouse a vida xa de máis de 145.000 persoas no mundo, onde se viron afectadas máis de 2,1 millóns, segundo a Universidade Johns Hopkins. En Wuhan, onde se orixinou a crise sanitaria, as autoridades elevaron un 50% a cifra de falecidos recoñecidos ata o de agora, polo que o balance de vítimas mortais en China ascende a 4.632. O ministro de Asuntos Exteriores chinés, Wang Yi, asegurou este venres que o seu país non encobre as cifras da pandemia.
Alemaña rexistra xa 133.830 casos positivos de coronavirus, o que a converte no quinto país do mundo con maior propagación da pandemia. Deles, 3.380 detectáronse nas últimas 24 horas, o que supón un certo incremento respecto a días anteriores. Un total de 81.800 xa se curaron, segundo os datos do instituto Robert Koch. Indican tamén que un total de 3.868 persoas morreron, o que significa un aumento de 299 mortes desde onte. A taxa de mortalidade ascende ao 2,9%.
O Goberno de Arxentina confirmou este xoves dez novas mortes por coronavirus, co que a cifra se eleva a 122. Segundo o Ministerio de Saúde, nas últimas 24 horas rexistráronse 89 novos contagios polo que suman 2.669 infectados.
México rexistra 486 mortes e 6.297 casos de contaxio por Covid-19 ata este xoves. As autoridades sanitarias confirmaron 37 novas mortes e 450 contaxios máis que o día anterior.
Filipinas alcanzou as 387 mortes por coronavirus. O Ministerio de Saúde de Filipinas informou este venres de 25 novas mortes por coronavirus. Os casos confirmados no país son xa 5.878.
Aquí podes ler os últimos datos sobre o coronavirus do Ministerio de Sanidade
Informativo.Bueno.