O boletín de GCiencia, que na actualidade conta con preto dun millar de subscritores, dá un paso máis para achegarse aos lectores do portal. A partir desta semana, e ademais do envío diario coas noticias do portal, GCiencia ofrecerá de balde un resumo semanal dos seus contidos máis destacados. Neste boletín poderase acceder tamén a material adicional, alén do xa publicado na páxina nos seus textos diarios.
A idea xorde para dar resposta ás novas necesidades dos lectores e lectoras dos medios de comunicación dixitais, que demandan contidos cada vez máis adaptados aos seus intereses e inquedanzas. Así, con este novo boletín, o público de GCiencia, interesado pola investigación científica que se fai no país, mais tamén polas moitas implicacións que a ciencia ten conxunto da sociedade a nivel global, poderá gozar de contidos que esperten o seu interese todas as semanas.
Se queres recibir o novo boletín de GCiencia, suscríbete cun sinxelo paso nesta ligazón.
